هۆشداری لەبارەی دەستوەردان لە هەڵبژاردنی سەرۆکایەتی ئەمریکا دەدرێت

0
138

SNN
لەگەڵ نزیکبوونەوەی وادەی هەڵبژاردنی سەرۆکایەتیی ئەمریکا، هەواڵگری ئەو وڵاتە هۆشداریدەدات لە ئەگەری دەستوەردان لە هەڵبژاردنەکەدا و داوا لە هاووڵاتییانی ئەمریکیش دەکات هیچ دەستوەردانێک قبوڵ نەکەن.

ولیام ئیڤانینا سه‌رۆكی ده‌سته‌ی ریشه‌كێشكردنی سیخوڕانی بیانی له‌ ده‌زگای هه‌واڵگری ئه‌مه‌ریكا بە میدیاکانی وت: ئێستا کە نزیکەی 100 رۆژمان له‌به‌رده‌مداماوه‌ بۆ ئه‌نجامدانی هه‌ڵبژاردنی سه‌رۆكایه‌تیی ئه‌مه‌ریكا، بۆ ئه‌و مه‌به‌سته‌یش ده‌ست به‌ هه‌ڵمه‌تێكی گه‌وره‌ی هۆشیاركردنه‌وه‌ی ده‌نگده‌ران ده‌كه‌ین، بۆ ئه‌وه‌ی به‌شداری له‌ پرۆسه‌كه‌ بكه‌ن و بوار بۆ ده‌ستوه‌ردانی ده‌ره‌كی نه‌هێڵنه‌وه‌.

ناوبراو وتیشی: فه‌رمانگه‌كه‌مان هه‌ندێ زانیاری ورد و زانستی به‌ هه‌موو ده‌نگده‌ران ده‌گه‌یه‌نێت، بۆ ئه‌وه‌ی له‌ كاتی ده‌نگدان وریا بن و نه‌بن به‌ هۆكارێك بۆ ئه‌وه‌ی سیخوڕانی بیانی كه‌ڵكیان لێ وه‌ربگرن و ده‌ستوه‌ردان له‌ هه‌ڵبژاردنی وڵاته‌كه‌مان بكه‌ن.

له‌ به‌شێكی تری قسه‌كانیدا ئه‌و به‌رپرسه‌ی هه‌واڵگری ئه‌مه‌ریكا داوای له‌ هاووڵاتیانی وڵاته‌كه‌ی كرد، كه‌ به‌ زانیاری نێو تۆڕه‌كانی كۆمه‌ڵایه‌تی باوه‌ڕنه‌كه‌ن و ناكرێت ببنه‌وه‌ قوربانی هه‌واڵ و زانیاری درۆ، بۆ ئه‌وه‌ی ئاراسته‌ی هزری و بیركردنه‌وه‌ی خه‌ڵك له‌لایه‌ن بیانییه‌كانه‌وه‌ كاریگه‌ری له‌سه‌ر دابنرێت و هانیان بده‌ن ده‌نگ بۆ كاندیدێك بده‌ن و دژی كاندیدێكی تر بوه‌ستنه‌وه‌.

لە ساڵی 2016دا ڕوسیا تۆمەتبارکرا بەوەی دەستوەردانی لە هەڵبژاردنی سەرۆکایەتی ئەمریکادا کردووە لە بەرژەوەندی دۆناڵد ترەمپ.

بەشی بکە لە
Previous Next
Close
Test Caption
Test Description goes like this