ئێران بەنیازە لەڕێگەی پڕۆژەیەکەوە لە عێراق و سوریا ئاسیا بە رۆژهەڵاتی ناوەڕاستەوە ببەستێتەوە
دەروازەیەکی سنوری نێوان عێراق و ئێران
SNN-
پەرلەمانتارێکی ئێران دەڵێت: “پڕۆژەیەک هەیە ئاسیا بە دەریای ناوەڕاستەوە دەبەستێتەوە لە رێگەی عێراق و سوریاوە”.
مەحەبەتی یوسفی رایدەگەیەنێت: “گەر ئەو پڕۆژەیە سەربگرێت هاوردە و هەناردەی کەلوپەل ئاسان دەکات و بۆ تەنها سێ رۆژ کورت دەبێتەوە”.
ئەو پەرلەمانتارە کە نوێنەری شاری ئەهوازە دەشڵێت: “پڕۆژەکە خۆی لە راکێشانی سکەی شەمەندەفەردا دەبینێتەوە کە ئێران بە ئاوی دەریای ناوەڕاستەوە دەبەستێتەوە”.
بە گوێرەی ئاژانسی هەواڵی فارس نیوز، پڕۆژەکە شاری شەلامچە لە پارێزگای بەسرەی عێراق و لازقیەی سوریا بەیەکەوە دەبەستێتەوە.
وتیشی: “لە ماوەی سێ رۆژدا دەتوانین هەر کەلوپەل و پێویستییەک هەبێت بیگەیەنینە دەریای سپی ناوەڕاست و لە مینای لازقیە بگیرسێتەوە”.
پەرەپێدراوە و دروستکراوە