پیاوێکی ئاینی ئێران: دەمامکی کۆرۆنا تەنیا بۆ ژنان کراوە

0
289

SNN-

عەباس تەبریزیان پیاوی ئاینی و شارەزا لە پزیشکیی ئاینی دەڵێت: “ئەو دەمامکەی دروستکراوە بۆ خۆپارێزیی لە ڤایرۆسی کۆرۆنا، تەنیا بۆ ژنانە، چونکە ئەوان هۆکاری سەرەکیی پەتاکەن” وەک خۆی دەڵێت.

تەبریزیان کە لە ئێران بە باوکی پزیشکی ئیسلامیی ناسراوە دەشڵێت: “بەهۆی ئەوەی پیاوان بژێویی خێزانیان لەسەر شانە، پێویستە بەردەوام لەدەرەوە بن، غازی دوانەئۆکسیدی کاربۆن لە پشت دەمامکەکەیانەوە کۆدەبێتەوە و لەجیاتی سوود زیانی هەیە بۆیان”.

ئایەتوڵا تەبریزیان ئاماژە بەوەشدەکات “ڤایرۆسەکە لە هەواوە ناگوازرێتەوە، بەڵکو هۆکارەکەی ژنانن کە گەر بەریەککەوتنی راستەوخۆیان هەبێت لەگەڵ پیاو ئەوا پیاوەکە تووشی کۆرۆنا دەبێت”.

ئەو ئایەتوڵایە کە دەرچووی حەوزەی زانستیی قوم و نەجەف-ە، داوا دەکات تەنیا ژنان دەمامک ببەستن و بۆ ئەوان واجبە بەستنی، لەبەرئەوەی بەردەوام لە ماڵن و ڤایرۆس دەچێتە سەر جەستەیان.

بەشی بکە لە
Previous Next
Close
Test Caption
Test Description goes like this