لیژنه‌ى باڵاى ته‌ندروستیی عێراق 10 رۆژ قه‌ده‌غه‌ى هاتووچۆى راگه‌یاند

0
360
شه‌قامى 60 مه‌ترى له‌ شارى سلێمانى له‌كاتى قه‌ده‌غه‌ى هاتووچۆدا | فۆتۆ: SNN

SNN

ئه‌مڕۆ یه‌كشه‌ممه‌ ، لیژنه‌ى باڵاى ته‌ندروستیی عێراق به‌ سه‌رۆكایه‌تى مسته‌فا كازمى، سه‌رۆكوه‌زیرانى عێراق كۆبووه‌وه‌ و له‌دواى كۆبوونه‌وه‌كه‌ چه‌ند بڕیارێكى تایبه‌تى راگه‌یاند كه‌ یه‌كێك له‌ بڕیاره‌كان بریتیه‌ له‌ راگه‌یاندنى قه‌ده‌غه‌ى هاتووچۆ بۆ ماوه‌ى 10 رۆژ.

له‌ به‌یاننامه‌یه‌كدا كه‌ كه‌مێك له‌مه‌وبه‌ر له‌لایه‌ن نووسینگه‌ى سه‌رۆكوه‌زیرانى عێراق بڵاوكراوه‌ته‌وه‌ ده‌قى بڕیاره‌كان خراونه‌ته‌ڕوو كه‌ بریتيیه‌ له‌:

یه‌كه‌م: قه‌ده‌غه‌ى هاتووچۆى ته‌واوه‌تى له‌ عێراق ده‌سه‌پێنرێت له‌ رۆژى 30ى ته‌مموز، بۆ 9ى ئاب، به‌ مه‌به‌ستى پاراستنى دوورى كۆمه‌ڵایه‌تى له‌ رۆژانى جه‌ژندا به‌ ئامانجى رێگه‌گرتن له‌ بڵاوبوونه‌وه‌ى ڤایرۆسى كۆرۆنا.
دووم: له‌ رۆژانى قه‌ده‌غه‌ى هاتووچۆدا كلینیكه پزیشكییه‌كان له‌ژێر چاودێرى وه‌زاره‌تى ته‌ندروستیدا كراوه‌ ده‌بن.
سێیه‌م: ئه‌و شوێنانه‌ى كه‌ ئۆكسجین به‌رهه‌م ده‌هێنن له‌ژێر چاودێرى حكومه‌تدا كراوه‌ ده‌بن.
چواره‌م: هاورده‌كردنى ئۆكسجین له‌ كوه‌یته‌وه‌ به‌رده‌وام ده‌بێت.
پێنجه‌م: رێكاره‌كانى رێگه‌گرتن له‌ بڵاوبوونه‌وه‌ى كۆرۆنا له فڕۆكه‌خانه‌كان جێبه‌جێده‌كرێن.
شه‌شه‌م: سه‌رجه‌م هێزه‌ ئه‌منییه‌كان رێكاره‌كانى رووبه‌ڕووبوونه‌وه‌ى كۆرۆنا ده‌گرنه‌ به‌ر وه‌ك پۆشینى ماسك و ده‌ستكێش.
حه‌وته‌م: میدیاى عێراقى پێویسته‌ له‌ به‌رنامه‌كانیاندا جه‌خت بكه‌نه‌وه‌ له‌ خۆپاراستن و رێكاره‌كانى رووبه‌ڕووبوونه‌وه‌ى كۆرۆنا.

كه‌مێك له‌مه‌وبه‌ر وەزارەتی تەندروستیی عێراق ئاماری 24 کاتژمێری رابردووى بڵاوكرده‌وه‌ و و رایگه‌یاند: 2 هه‌زار و 459 كه‌سى تر تووشى كۆرۆنا بوون، 78 تووشبووى تر گیانیان لەدەستداوە و به‌مه‌ش کۆی تووشبووانی كۆرۆنا له‌ عێراق گەیشتە 110 هه‌زار و 32 کەس.

بەشی بکە لە
Previous Next
Close
Test Caption
Test Description goes like this