ئامارى رۆژانه‌ى كۆرۆنا: 17 تووشبوو گیانیان له‌ده‌ستدا

0
213
نه‌خۆشخانه‌ى ئاسا تایبه‌ت به‌ كۆرۆنا له‌ سلێمانى | فۆتۆ: SNN

SNN

وه‌زاره‌تى ته‌ندروستیی هه‌رێم ئامارى 24 كاتژمێرى رابردووى تایبه‌ت به‌ ڤایرۆسى كۆرۆناى بڵاوكرده‌وه‌ و رایگه‌یاند: 197 كه‌سى تر تووشى كۆرۆنا بوون، 100 تووشبوو چاكبوونه‌ته‌وه‌ و له‌ به‌رامبه‌ردا 17 تووشبوو گیانیان له‌ده‌ستداوه‌.

به‌پێى ئاماره‌كه‌ى وه‌زاره‌تى ته‌ندروستى كه‌ ئه‌مڕۆ یه‌كشه‌ممه‌ بڵاوكراوه‌ته‌وه‌، “له‌ شه‌و و رۆژى رابردوودا 2 هه‌زار و 80 پشكنین ئه‌نجامدراون، له‌ ئه‌نجامدا ده‌ركه‌وتووه‌ 197 كه‌س تووشبوون به‌مشێوه‌یه‌: 73 كه‌س له‌ هەولێر، 68 كه‌س له‌ سلێمانی، 26 كه‌س له‌ گەرمیان، نۆ كه‌س له‌ ڕاپەڕین، 13 كه‌س له‌ دهۆك، حه‌وت كه‌س له‌ هەڵەبجە”.

وه‌زاره‌تى ته‌ندروستى له‌باره‌ى ئامارى چاكبوونه‌وه‌ى تووشبووانى كۆرۆنا ئه‌وه‌شى خستووه‌ته‌ڕوو، “100 تووشبوو چاكبوونه‌ته‌وه‌ به‌مشێوه‌یه‌: 65 له‌ هەولێر، 10 له‌ گەرمیان، 10 له‌ ڕاپەڕین، سێ له‌ دهۆك، 12 له‌ هەڵەبجە”.

له‌باره‌ى ئامارى مردنه‌وه‌ له‌ به‌یاننامه‌كه‌دا ئاشكرا كراوه‌، “17 تووشبوو گیانیان له‌ده‌ستداوه‌، به‌مشێوه‌یه‌: هه‌شت له‌ هەولێر و نۆ له‌ سلێمانی”.

به‌پێى ئاماره‌كانى وه‌زاره‌تى ته‌ندروستیى هه‌رێم، له‌ سه‌ره‌تاى بڵاوبوونه‌وه‌ى ڤایرۆسى كۆرۆنا تاوه‌كو ئێستا 12 هه‌زار و 450 كه‌س له‌ هه‌رێم تووشى كۆرۆنا بوون، 6 هه‌زار و 835 تووشبوو چاكبوونه‌ته‌وه‌، له‌ ئێستادا 5 هه‌زار و 123 تووشبوو چاره‌سه‌ر وه‌رده‌گرن و 491 تووشبووش به‌ ڤایرۆسه‌كه‌ گیانیان له‌ده‌ستداوه‌.

بەشی بکە لە
Previous Next
Close
Test Caption
Test Description goes like this