ئه‌مڕۆ كۆبوونه‌وه‌ى په‌رله‌مان به‌ڕێوه‌ده‌چێت و فراكسیۆنى یه‌كێتى به‌شدارى ده‌كات

0
518
په‌رله‌مانى كوردستان | فۆتۆ: SNN

SNN

ئه‌مڕۆ دووشه‌ممه‌ كۆبوونه‌وه‌ى په‌رله‌مانى كوردستان به‌ڕێوه‌ده‌چێت و فراكسیۆنى یه‌كێتیش به‌شدارى له‌ كۆبوونه‌وه‌كه‌دا ده‌كات.

به‌پێى زانیارییه‌كانى SNN كه‌ له‌ فراكسیۆنى یه‌كێتى وه‌ریگرتوون، “ئه‌مڕۆ فراكسیۆنى یه‌كێتى به‌شدارى له‌ كۆبوونه‌وه‌ى په‌رله‌مانى كوردستاندا ده‌كات”.

ئێواره‌ى دوێنى یه‌كشه‌ممه‌ وه‌فدى یه‌كێتیى نیشتمانیى كوردستان به‌ سه‌رۆكایه‌تى بافڵ تاڵه‌بانى، هاوسه‌رۆكى یه‌كێتى گه‌یشته‌ شارى هه‌ولێر و له‌گه‌ڵ وه‌فدى پارتى دیموكراتى كوردستان كۆبووه‌وه‌، كۆبوونه‌وه‌كه‌ له‌دواى ئه‌وه‌ هات بڕیاربوو پەرلەمانی کوردستان کۆببێتەوە و چاوەڕواندەکرا سەرۆکی پەرلەمان و فراکسیۆنی یەکێتی بەشداریی نەکەن، به‌ڵام لەسەر داوای بافڵ تاڵەبانی، هاوسەرۆکی یەکێتیی نیشتمانیی کوردستان کۆبوونەوەکە دواخرا بۆ دووشەممە.

هاوكات هه‌ر دوێنێ سەرۆکی پەرلەمانی کوردستان بانگهێشتی ئەندامانی پەرلەمانى كوردستانى كرد كه دووشەممە کاتژمێر 11ی پێشنیوەڕۆ دانیشتنی ژمارە (6)ی ئاسایی خولی به‌هاره‌ بەڕێوەدەچێت.

دەقی بانگهێشتنامەکە:
سه‌رۆكی په‌رله‌مانی كوردستان بانگهێشتی گشت ئه‌ندامانی په‌رله‌مان ده‌كات بۆ ئاماده‌بوون له‌دانیشتنی ژماره‌ (6)ی ئاسایی خولی به‌هاره‌ له‌كاتژمێر (11)ی پێشنیوه‌رۆى ڕۆژی دووشه‌مه‌ رێكه‌وتی 2020/7/27، ئه‌مه‌ش ده‌قی بانگهێشته‌كه‌یه‌:
بانگهێشت بۆ گشت ئه‌ندامه‌ به‌ڕێزه‌كانی په‌رله‌مانی كوردستان
پشت به‌ستن به‌برگه‌ی (سێیه‌م) له‌مادده‌ی (18) له‌په‌یڕه‌وی ناوخۆی په‌رله‌مانی كوردستان-عێراق و ئاماژه‌ به‌راگه‌یه‌نراوی ده‌سته‌ی سه‌رۆكایه‌تیی په‌رله‌مانی كوردستان له‌رێكه‌وتی 2020/7/26 بڕیاردرا به‌دواخستنی دانیشتنی په‌رله‌مان ژماره‌ (6)ی ئاسایی خولی به‌هاره‌ی ساڵی دووه‌م له‌خولی هه‌ڵبژاردنی پێنجه‌می په‌رله‌مان له 2020/7/26 بۆ كاتژمێر 11ى پێشنیوه‌رۆى ڕۆژی دووشه‌مه‌ رێكه‌وتی 2020/7/27.

بەشی بکە لە
Previous Next
Close
Test Caption
Test Description goes like this