“ناكۆكییەكانی نێوان پارتی و یەکێتی كاریگەری لەسەر پرۆسەی چاكسازی وەزارەتی پێشمەرگە دەبێت”

0
258

SNN-مەودا مستەفا

جێگری سەرۆكی لیژنەی كاروباری پێشمەرگە لە پەرلەمانی كوردستان ڕایدەگەێنێت :” بێگومان ناكۆكییە سیاسییەكانی نێوان پارتی و یەكێتی كاریگەری لەسەرە بەڕێوەچوونی پڕۆسەی چاكسازییەكانی نێو وەزارەتی پێشمەرگە دەبێت و بۆ پرسی چاكسازیش لەنێو وەزارەتی پێشمەرگە پێنج لیژنە دروستكراوە”.

عوسمان كەریم جێگری سەرۆك و لیژنەی كاروباری پێشمەرگە لە پەرلەمانی كوردستان بە SNNی راگەیاند: لە ئێستادا لە وەزارەتی پێشمەرگە پێنچ لیژنەی دروست كراون بە مەبەستی ئەنجامدانی پرۆسەی چاكسازی و یەكگرتنەوەی هەردوو هێزی 70 و 80 ئەوەی ئێمە ئاگاداربین لیژنەكان دەستیان بە كارەكان كردووە هیوادارین لیژنەكان كارەكانیان بە ڕێكو پێكی ئەنجامبدەن.

وتیشی: “رەنگە ئەو پرۆسەی چاكسازیە كە لە نێوان وەزارەتی پێشمەرگە ئەنجامدەدرێت كاتی زۆری بوێت و بێگومان كێشە سیاسییەكانی ئەم دواییەی نێوان پارتی و یەكێـتی كاریگەری لەسەر بەڕێوەچوونی پرۆسەی چاكسازی دەبێت”.

وەزارەتی پێشمەرگەی حكومەتی هەرێمی كوردستان چوارچێوەی یاسای چاكسازی لە رێگەی 39 خاڵەوە چاكسازی لە وەزارەتەكەی و یەكەی حەفتا و هەشتا دەكات، گرنگترینیشیان بریتین لە یەكخستنی یەكەی ژمێریاری، خانەنشینی، پێداچوونەوە بە پلەی سەربازی، ژمارەی پاسەوانەكان و هەیكەلیەتی لیواكان.

بەشی بکە لە
Previous Next
Close
Test Caption
Test Description goes like this