دوای بڵاوكردنەوەی هەواڵێك لە SNNەوە وەزارەتی كشتوكاڵ روونكردنەوە دەدات

باخەکانی هەورامان
0
947
باخەکانی هەورامان

 

دوای ئەوەی دوێنێ‌ سایتی SNN راپۆرتێک هەواڵی بوونی نەخۆشییەكی كوشندەی لە دارگوێزەكانی هەورامان بڵاو كردەوە، ئەمڕۆ وەزارەتی كشتوكاڵ و سەرچاوەكانی ئاو روونكردنەوەیەكی لەو بارەیەوە بڵاو كردەوە و هۆكارەكانی بڵاوبوونەوەی ئەو نەخۆشیەی خستوەتەڕوو.

لە روونكردنە‌وە‌یە‌كدا كە وێنەیەكی بۆ SNN، نێردراوە ئاماژە بەوەكراوە، “نەخۆشیەکە بەکتری و کەڕووە کە لەسەر قەدی دارگوێزەکانی ناوچەی هەورامان دروستبووە ”

ئاماژەی بەوەشکرد، “لە لایەن بەڕێوەبەری گشتی كشتوكاڵی هەڵەبجە لیژنەیەك پێكهێنرابوو بۆ قەڵاچۆكردنی ئەم نەخۆشیە زیان بەخشە و توانرا قڕكەی پێویست و تایبەت كە كار لەسەر هەردوو هۆكاری نەخۆشیەكە دەکات بەبێ بەرامبەر بەسەر باخەواناندا دابەشبکرێت و بە ووردی شێوازی بە‌كارهێنان و كاتی دووبارەكردنەوەی بە شێوەیەكی كرداری فێری باخەوانان دەكرا، لیژنەکە بۆ ماوەی یەك مانگ بە شێوەیەكی مەیدانی لەگەڵ باخەوانەكان مانەوە بۆ شێوازی قەڵاچۆ و بەكارهێنانی دەرمانە‌كە، بەڵام بەشێكی باخەوانان نەهاتن بەدەم تیمەكەمانەوە لەبەرئەوەی دانیشتووی ناوچەكە نەبوون و لەشارەكانی تر نیشتەجێن”.

وەزارەتی كشتوكاڵ و سەرچاوەكانی ئاو سەبارەت بە هۆکارەکانی بڵاوبوونەوەی نەخۆشیەکە رایگەیاند:”مێرووەكان و بەركەوتن لە رێگەی کەرەستەکانی پاككردنەوە وەك (خاكەناز و پاچ و تەورزێن).

رێگەی ئاودان هۆکاری بڵاوبوونەوەی زیاتری نەخۆشیەکەن، لەبەرئەوەی سروشتی هەورامان واهەڵكەوتووە كە پشت بە جۆگە دەبەستێت بۆ ئاودێری و ئەم نەخۆشیە لەڕێگەی ئاودانەوە زۆر بە خێرای بڵاودەبێتەوە.

ئاماژەش بەوەکراوە، لەم كاتەدا بەڕێوەبەرایەتی گشتی كشتوكاڵی هەڵەبجە لە هەوڵی بەدەستخستنی بودجەیەكی پێویستە، تابتوانێت قڕكەری پێویست دابین بكات بۆ برا باخەوانەكان بۆ ئەوەی ڕێگا لە زیاتر بڵاو بوونەوەی ئەم نەخۆشی بگرن.

روونكردنەوەی وەزارەتی كشتوكاڵ دوای ئەوە هات كە دوێنێ‌ SNNلە زاری خاوەن باخەكانی هەورامانەوە بلاوبوونەوەی نەخۆشییەكی كوشندەی لە باخە دارگوێزەكانی هەورامان بڵاو كردەوە كە نەخۆشییەکی گوازراوەیە و لە دارگوێزێك بۆ دارگوێزێكی دیكە و لە باخێكەوە بۆ باخێكی دیكە دەگوازرێتەوە.

بەشی بکە لە
تاگەکانهەورامان
Previous Next
Close
Test Caption
Test Description goes like this