كێشه‌ى كارمه‌ندانى ته‌ندروستى نه‌خۆشخانه‌ى هیوا چاره‌سه‌ركرا

0
321
یاد نه‌قشبه‌ندى، وته‌بێژى به‌ڕێوه‌به‌رایه‌تى ته‌ندروستیی سلێمانى | فۆتۆ: SNN

SNN – هه‌وراز ئه‌حمه‌د

وته‌بێژى به‌ڕێوه‌به‌رایه‌تى ته‌ندروستیی سلێمانى رایگه‌یاند: كێشه‌ى كارمه‌ندان و پزیشكانى نه‌خۆشخانه‌ى هیوا چاره‌سه‌ركراوه‌.

یاد نه‌قشبه‌ندى، وته‌بێژى به‌ڕێوه‌به‌رایه‌تى ته‌ندروستیی سلێمانى له‌ كۆنگره‌یه‌كى رۆژنامه‌وانیدا رایگه‌یاند: “كێشه‌ى دابه‌شكردنى مووچه‌ى پزیشك و كارمه‌ندانى ته‌ندروستى نه‌خۆشخانه‌ى هیوا چاره‌سه‌ركرا، پاش ئه‌وه‌ى پزیشكان و كارمه‌ندان له‌به‌ر پێنه‌دانى مووچه‌كانیان ئه‌مڕۆ مانگرتنیان راگه‌یاند”.

وتیشى: “پاش ئه‌وه‌ى به‌ڕێوه‌به‌رى ته‌ندروستيى سلێمانى په‌یوه‌ندى به‌ وه‌زیرى ته‌ندروستى و وه‌زیرى داراییه‌وه‌ كرد به‌ڵێنى خه‌رجكردنى پاره‌یان بۆ مووچه‌ى ئه‌و كارمه‌ندانه‌ داوه كه‌ مووچه‌ى بدل عیادات (له‌برى نۆرینگه‌)ه‌ و ماوه‌ى حه‌وت مانگه‌ دابه‌شنه‌كراوه‌‌”.

وته‌بێژى به‌ڕێوه‌به‌رایه‌تى ته‌ندروستیی سلێمانى به‌شێكى ترى قسه‌كانى ته‌رخانكرد بۆ باسكردن له‌ كێشه‌كانى نه‌خۆشخانه‌كه‌ و ئاشكرایكرد: “نه‌خۆشخانه‌ى هیوا له‌ ئێستادا كێشه‌ى كه‌مى ده‌رمان و پێداویستى پزیشكى هه‌یه‌”.

ئه‌وه‌شى خسته‌ڕوو: “له‌ ئێستادا دەوام له‌ نه‌خۆشخانه‌ى هیوا ئاسایی بووه‌ته‌وه‌، به‌ڵام ئه‌گه‌ر له‌ماوه‌ى 24 كاتژمێردا ئه‌م داواكارییانه‌ جێبه‌جێ نه‌كرێن ئه‌وە‌ ستافى نه‌خۆشخانه‌كه‌ پێیان راگه‌یاندووین كه‌ ده‌ست به‌ مانگرتن ده‌كه‌نه‌وه‌”.

ئەمڕۆ پزیشکان و کارمەندانی تەندروستی لە نەخۆشخانەی هیوا دژی وەرنەگرتنی مووچەکانیان مانیان لە کارکردن گرت.

بەشی بکە لە
Previous Next
Close
Test Caption
Test Description goes like this