دوکان.. ئامادەکاری بۆ جەژن کراوە و سەرجەم پڕۆژە گەشتیارییەکان کراوە دەبن

0
212

SNN-

ساڵانە و بەتایبەت لەکاتی بۆنەکاندا بەڕێژەیەکی بەرچاو گەشتیار و ھاووڵاتییان ڕوو دەکەنە ناوچەی گەشتیاری دوکان، ئەمساڵیش لە جەژنی قورباندا پێشبینیدەکرێت گەشتیارێکی زۆر ڕوو لە ناوچە گەشتیارییەکانی دوکان بکەن.

بۆ ئەو مەبەستە ئامادەکاری کراوە و سەرجەم پڕۆژەکان کراوە دەبن و لە ڕێگەی چەند لیژنەیەکەوە چاودێری ناوچە گەشتیارییەکان و بازاڕی گشتی دوکان دەکرێت و لیژنەی چاودێری گەشتوگوزاریش ئامادەیی دەبێت.

بەپێی هەواڵێکی ڕاگەیاندنی قایمقامییەتی قەزای دوکان لەبارەی ئامادەکارییەکانیانەوە سیروان سەرحەد قایمقامی قەزای دوکان ڕایگەیاند: چاوەڕێدەکرێت ژمارەیەکی بەرچاو لە گەشتیاران لە ڕۆژانی جەژن و پشووی جەژن سەردانی ناوچە گەشتیارییەکانی قەزای دوکان بکەن، وەک ئیدارەی قەزای دوکانیش ئامادەکارییان کردووە و ھەریەک لە ئاسایشی دوکان و پۆلیسی دوکان و کارمەندانی ھاتووچۆ لە ڕێگەی چەند مەفرەزەیەکەوە دابەشدەبن و پارێزگاری لە سەر و ماڵی ھاوڵاتیان و گەشتیاران دەکەن.

بەرگری شارستانی دوکان تیمی مەلەوانییان ئامادەی دەبێت و چاودێری دەریاچەی دوکان و زێی دوکان دەکەن لەپێناو پارێزگاری لە گەشتیاران.

کردنەوەی شوێنە گەشتیارییەکان لەژێر چاودێری ئیدارەی قەزای دوکاندا دەبێت و بەپێی مەرج و ڕێنماییە تەندروستییەکان مامەڵە دەکرێت.

قایمقامییەتی قەزای دوکان داوا دەکات ھاووڵاتییان و گەشتیاران ڕەچاوی دۆخی ئێستای ناوچەکە و ھەرێم بکەن و گرنگی زیاتر بە ڕێنماییە خۆپارێزییەکان بدەن و گرنگیش بە سروشتی ناوچەکە بدەن بەتایبەت لە ڕووی پاکژ ڕاگرتنی شوێنە گەشتیارییەکان .

بەشی بکە لە
Previous Next
Close
Test Caption
Test Description goes like this