ساڵی رابردوو داهاتی نەوتی هەرێم 8 ملیار و 500 ملیۆن دۆلار بووە
كێڵگه‌یه‌كى نه‌وتى له هەرێمی کوردستان | فۆتۆ: Haider Mohammed Ali / AFP
ئەنجومەنی هەرێمی کوردستان بۆ كاروباری نەوت و گاز، داتا و زانیاریی پشتڕاستکراو له‌لایه‌ن کۆمپانیای جیھانی دیلۆیت Deloitte دەربارەی هەناردە، بەكاربردن و خەرجی و داهاتەكانی نەوتی هەرێمی کوردستان بۆ ماوه‌ی ساڵی ٢٠١٩ دەخاتەڕوو.
بەگوێرەی راپۆرتی ساڵی 2019ـی دیلۆیت، لەساڵی 2019، 170 ملیۆن و 977 هەزار و 784 بەرمیل نەوت هەناردە کراوە و لەناوخۆ بەکارهاتووە.
بەگوێرەی راپۆرتی کۆمپانیای دیلۆیت لەو ساڵەدا 170 ملیۆن و 977 هەزار و 784 بەرمیل نەوت بەرهەمهێندراوە، 158 ملیۆن و 512 هەزار و 960 بەرمیل نەوت بە بۆری فرۆشراوە بە بڕی 8 ملیار و 349 ملیۆن و 749 هەزار و 733 دۆلار، بە تێکڕا هەر بەرمیلێک 52 دۆلار و 76 سەنت فرۆشراوە.
ئاماژەی بەوەشکردووە، نرخی هەر بەرمیلێک نەوتی هاوردەکراوە بە تێکڕای گشتی، 52 دۆلار و 37 سەنت بووە.
هەروەها، داهاتی تەواوی بەرهەمە نەوتییەکە، بە لابردنی خەرجییەکان، چوار ملیار و 515 ملیۆن و 421 هەزار و 625 دۆلار بووە.
پەرەپێدراوە و دروستکراوە