هەوڵ هەیە مۆڵەتی کۆمپانیاکانی پەیوەندی لە عێراق نوێ نەکرێتەوە

SNN

ژمارەیەک ئەندامی ئەنجومەنی نوێنەرانی عێراق رەتیدەکەنەوە رێپێدانی کۆمپانیاکانی پەیوەندیکردن لە عێراق تازە بکرێتەوە.

ئەو پەرلەمانتارانە پاساویان ئەوەیە کە کاری کۆمپانیاکانی پەیوەندی بۆ بەرژەوەندی هاووڵاتی نییە و ئیمزا کۆکراوەتەوە بۆ ئەو مەبەستە لە ئەنجومەنی نوێنەراندا.

ئەحمەد مەشهەدانی لە هاوپەئمانی هێزە عێراقییەکان دەڵێت: “باشتر وایە حکومەت مۆڵەتی کارکردن بۆ کۆمپانیاکانی مۆبایل تازە ناکاتەوە، تا ئەو قەرزەی کەوتۆتە سەر شانیان بیدەنەوە”.

ئەو پەرلەمانتارە روونیشیکردەوە “کە تازەکردنەوەی مۆڵەتی کارکردن دەبێتە بەربەست لە بەردەم دروستکردن و دامەزراندنی کۆمپانیایەکی نیشتمانی بۆ مۆبایل و ئامێرەکانی پەیوەندی”.