ته‌ندروستیی جیهانى هۆشدارى ده‌داته‌ ئه‌و وڵاتانه‌ى ده‌ست به‌ گه‌شته‌ ئاسمانییه‌كان ده‌كه‌نه‌وه‌

0
145
گه‌شتیارێك له‌نێو فڕۆكه‌خانه‌ | فۆتۆ: UNWTO

SNN
ئه‌مڕۆ هه‌ینى رێكخراوى ته‌ندروستیى جیهانى له‌ پێگه‌ى تایبه‌تى خۆى هۆشدارى نوێى بڵاوكرده‌وه‌ سه‌باره‌ت به‌و وڵاتانه‌ى كه‌ ئاسانكارى ده‌كه‌ن له‌ رێكاره‌كانى رووبه‌ڕووبوونه‌وه‌ى كۆرۆنا و ده‌ست به‌ گه‌شته‌ ئاسمانییه‌ نێوده‌وڵه‌تییه‌كان ده‌كه‌نه‌وه‌.

رێكخراوى ته‌ندورستیی جیهانى له‌ پێگه‌ى فه‌رمى خۆى نووسیوویه‌تى، “هیچ یه‌ك له‌و وڵاتانه‌ى كه‌ ده‌ست به‌ گه‌شته‌ ئاسمانییه‌ نێوده‌وڵه‌تییه‌كان ده‌كه‌نه‌وه‌ پارێزراو نین له‌ په‌تاى ڤایرۆسى كۆرۆنا، له‌به‌ر ئه‌وه‌ پێویسته‌ وڵاتانى جیهان جه‌ختبكه‌نه‌وه‌ له‌سه‌ر ئه‌وه‌ى كه‌ ته‌نیا بۆ حاڵه‌تى له‌ناكاو و پێویست گه‌شته‌كان بكه‌نه‌وه‌”.

هۆشدارییه‌كه‌ى رێكخراوى ته‌ندروستى جیهانى له‌ كاتێكدایه‌ كه‌ به‌شێك له‌ وڵاتانى جیهان له‌ چوارچێوه‌ى ئاسانكاریكردن له‌ رێكاره‌كانى رێگه‌گرتن له بڵاوبوونه‌وه‌ى ڤایرۆسى كۆرۆنادا گه‌شته‌ ئاسمانییه‌كانیان ده‌ستپێكردووه‌ته‌وه‌، عێراقیش یه‌كێكه‌ له‌و وڵاتانه‌ و به‌پێى بڕیارێكى ده‌سه‌ڵاتى فڕۆكه‌وانى مه‌ده‌نى عێراق له‌ 23 ته‌مموزه‌وه‌، گه‌شته‌ ئاسمانیی و ناوخۆییه‌كانى به‌شێوه‌یه‌كى ئاسایی له‌ سه‌رجه‌م فڕۆكه‌خانه‌كان ده‌ستیانپێكردووه‌ته‌وه‌، له‌ هه‌رێمى كوردستانیش گه‌شته‌كان له‌ 1ى ئاب، ده‌ستپێده‌كه‌نه‌وه‌.

له‌ سه‌ره‌تاى بڵاوبوونه‌وه‌ى ڤایرۆسى كۆرۆنا له‌ جیهان تاوه‌كو ئێستا 17 ملیۆن و 562 هه‌زار و 326 كه‌س تووشى ڤایرۆسه‌كه‌ بوون، 678 هه‌زار و 354 تووشبوو كۆچى دواییان كردووه‌ و 10 ملیۆن و 998 هه‌زار و 758 تووشبوو چاكبوونه‌ته‌وه‌.

بەشی بکە لە
Previous Next
Close
Test Caption
Test Description goes like this