كۆمسیۆنى هه‌ڵبژاردنه‌كانى عێراق: ئاماده‌ین بۆ ئه‌نجامدانى هه‌ڵبژاردنى پێشوه‌خته‌

0
139
سێ هاووڵاتى ده‌نگده‌رى عێراقى | فۆتۆ: AFP

SNN

كه‌مێك له‌مه‌وبه‌ر كۆمسیۆنى باڵاى سه‌ربه‌خۆى هه‌ڵبژاردنه‌كانى عێراق رایگه‌یاند: ئاماده‌ین رۆژى 6ى حوزه‌یرانى 2021، وه‌ك ئه‌وه‌ى مسته‌فا كازمى، سه‌رۆكوه‌زیرانى عێراق دیاریكردووه‌ هه‌ڵبژاردنى پێشوه‌خته‌ به‌ڕێوه‌به‌رین.

له‌ راگه‌یه‌نراوێكدا كه‌ ئه‌مڕۆ شه‌ممه‌ بڵاوكراوه‌ته‌وه‌ كۆمسیۆنى باڵاى سه‌ربه‌خۆى هه‌ڵبژاردنه‌كانى عێراق ئاشكرایكردووه‌، “وه‌ك ئه‌ركى سه‌رشانى ئێمه‌ به‌رامبه‌ر هاووڵاتییانى عێراق و ئه‌و قوربانیانه‌ى كه‌ بوونه‌ هۆكارى دروستبوونى ئه‌م دۆخه‌ سیاسییه‌ نوێیه‌، له‌ژێر چاودێرى نه‌ته‌وه‌ یه‌كگرتووه‌كان، رێكخراوه‌ نێوده‌وڵه‌تییه‌كان، چاودێره‌ نێوده‌وڵه‌تییه‌كان و لایه‌نه‌ په‌یوه‌ندیداره‌كان ئاماده‌ین بۆ ئه‌نجامدانى هه‌ڵبژاردن له‌و رۆژه‌ى كه‌ مسته‌فا كازمى، سه‌رۆكوه‌زیرانى عێراق ده‌ستنیشانى كردووه‌”.

كۆمسیۆنى باڵاى سه‌ربه‌خۆى هه‌ڵبژاردنه‌كان چه‌ند مه‌رج و رێوشوێنێكى بۆ ئه‌نجامدانى هه‌ڵبژاردنه‌كان داناوه‌ كه‌ بریتین له‌:
یه‌كه‌م: ئه‌نجوومه‌نى نوێنه‌رانى عێراق یاساى هه‌ڵبژاردنه‌كه‌ به‌ زووترین كات تێبپه‌ڕێنێت و له‌ رۆژنامه‌ى فه‌رمى بڵاوبێته‌وه‌ بۆ ئه‌وه‌ى چوارچێوه‌یه‌كى یاسایی بدرێت به‌ هه‌ڵبژاردنه‌كه‌.

دووه‌م: ئه‌نجوومه‌نى نوێنه‌رانى عێراق پێویسته‌ مادده‌ى جێگره‌وه‌ى مادده‌ى 3 له‌ فه‌رمانى ژماره‌ 30 ساڵى 2005 جێگیر بكه‌ن.

سێیه‌م: حكومه‌تى عێراق بودجه‌ى پێویست دابین بكات بۆ هه‌ڵبژاردنه‌كان و سه‌رجه‌م لایه‌نه‌ په‌یوه‌ندیداره‌كان رابسپێرێت بۆ ئه‌وه‌ى ئاسانكارى پێویست بۆ كاره‌كانى كۆمسیۆنى باڵاى سه‌ربه‌خۆى هه‌ڵبژاردنه‌كان بكه‌ن.

چواره‌م: كۆمسیۆن داوا له‌ نه‌ته‌وه‌ یه‌كگرتووه‌كان و رێكخراوه‌ نێوده‌وڵه‌تییه‌كان ده‌كات كه‌ هاوكارى عێراق بكه‌ن و رێكارى پێویست بگرنه‌به‌ر بۆ ئه‌وه‌ى هه‌ڵبژاردنێكى بێ خه‌وش به‌ڕێوه‌بچێت.

له‌ كۆتایی راگه‌یه‌نراوه‌كه‌دا ئه‌وه‌شخراوه‌ته‌ڕوو، “له‌دواى جێبه‌جێكردنى ئه‌م مه‌رج و رێكارانه‌ ئێمه‌ ئاماده‌ین به‌ هه‌موو شێوه‌یه‌ك هه‌ڵبژاردنى پێشوه‌خته‌ى عێراق به‌ڕێوه‌به‌رین”.

دوێنێ هەینی مستەفا كازمی، سەرۆكوەزیرانی عێراق رایگەیاند: “مانگی حوزەیرانی ساڵی داهاتوو هەڵبژاردنی پێشوەختە لە عێراق ئەنجام دەدرێت“، بەڵێنیشیدا كە “هەموو پێداویستییەكانی هەڵبژاردنەكە ئامادە بكەن و پابەند دەبن بە دابینکردنی چاودێری نێودەوڵەتی بۆ هەڵبژاردنەکان”.

 

بەشی بکە لە
Previous Next
Close
Test Caption
Test Description goes like this