بەهۆی گەندەڵییەوە پادشای پێشووی ئیسپانیا وڵاتی جێهێشت

0
415

 SNN

بەهۆی بەستنەوەی بە پرسی گەندەڵیی لەگەڵ عەربستانی سعودییە، خوان کارلۆس پادشای پێشووی ئیسپانیا وڵاتەکەی جێهێشت.

ماڵی شاهانەی ئیسپانیا رایگەیاند “شای پێشوو لەپرسی پارە پەیداکردن بەشێوەی ناڕەوا تێوەگلاوە و بەهۆیەوە ئیسپانیای جێهێشتووە”.

ئاژانسی هەواڵی رۆیتەرز بڵاویکردۆتەوە “شا خوان کارلۆس لە گرێبەستێکی نهێنیی پڕۆژەی هێڵی خێرای ئاسنینەوە تێوەگلاوە لە عەرەبستانی سعودییە”.

ئاژانسەکە ئاشکرایکردووە کە شای کۆچکردووی سعودییە 100 ملیۆن دۆلاری وەک شیرینی داوەتە پادشا تەمەن 82 ساڵەکەی ئیسپانیا، بەڵام لە رێگەی پارێزەرەکەیەوە خوان کارلۆس رەتیکردۆتەوە هیچ لەمبارەیەوە بڵێت.

ساڵی 2011 کۆمپانیا سعودیی و ئیسپانییەکان کە هاوپشکی یەک بوون، گرێبەستی دروستکردنی هێڵی ئاسنینی خێرای شەمەندۆفێری نێوان شاری مەدینە و مەککەیان بۆ دەرچوو کە درێژییەکەی 450 کم بوو.

پاشاکانی ئیسپانیا تا لەسەر حوکم بن پارێزبەندییان هەیە و دادگایی ناکرێن، بەڵام خوان کارلۆس ساڵی 2014 وازی لە تەخت هێنا بۆ فیلیپی کوڕی دوای ئەوەی دەرکەوت خۆی و کریستینای کچی و هاوسەرەکەی لە پرسی بەهەدەردانی پارەوە تێوەگلاون.

دوای ئاشکرابوونی ئەو گەندەڵییە فیلیپی کوڕ بودجەی کۆشکەکەی باوکی بڕی و وازی لە سەروەتەکەشی پێهێنا دوای ئەوەی دەرکەوت ئەژماری بانکیی کۆنی هەیە لە بانکەکانی دەرەوە.

بەشی بکە لە
Previous Next
Close
Test Caption
Test Description goes like this