ئیداره‌ى گه‌رمیان بڕیاری نوێ سەبارەت بە بارودۆخی ڤایرۆسی کۆرۆنا دەردەکات

0
214

SNN-سیروان حه‌سه‌ن

ژووری ئۆپەراسیۆنی ئیداره‌ی گه‌رمیان بۆ رووبه‌رووبوونه‌وه‌ی ڤایرۆسی كۆرۆنا، به‌سه‌رپه‌رشتی ئیداره‌ی گه‌رمیان و به‌ئاماده‌بوونی ئه‌ندامانی ژووری ئۆپه‌راسیۆن كۆبونه‌وه‌ سه‌باره‌ت به‌ گرتنه‌به‌ری هه‌نگاوی پێویست بۆ رووبه‌ڕووبوونه‌وه‌ی ڤایرۆسی كۆرۆنا له‌ژێر رۆشنایی بڕیاره‌كانی لیژنه‌ی باڵای به‌ره‌نگاربوونه‌وه‌ی ڤایرۆسی كۆرۆنا و له‌به‌رچاوگرتنی تایبه‌تمه‌ندی سنووره‌كه‌ و دۆخی ته‌ندروستی و له‌سه‌ر ڕاسپارده‌و یاداشتی به‌ڕیوه‌به‌رایه‌تی گشتی ته‌ندروستی گه‌رمیان، ئه‌م بڕیارانه‌ی لای خواره‌وه‌ی ده‌ركرد.

1-ماركێت و شوێنكارو ڕێستۆرانت و شوێنه‌ بازرگانییه‌كان و سه‌نته‌رو نۆرینگه‌ پزیشكییه‌كان و كارمه‌ندانى ته‌ندروستى و تاقیگه‌و شوێنه‌ گه‌شتیارییه‌كان پارك و كافتریا و چایخانه‌كان، هۆڵه‌كانى وه‌رزشى و له‌شجوانى و مه‌له‌وانگه‌كان، به‌ گرتنه‌به‌رى رێوشوێنى خۆپارێزى و به‌ جێه‌جێكردنى ڕێنماییه‌ ته‌ندروستییه‌كان كاره‌كانیان ئه‌نجامبده‌ن به‌ پێچه‌وانه‌وه‌ سزاده‌درێن.

2- به‌رده‌وامیدان به‌ قه‌ده‌غه‌كردنى گشت بۆنه‌كان “پرسه‌ى ماته‌مینى، ئاهه‌نگ و بۆنه‌ كۆمه‌ڵایه‌تییه‌كان”.

3- راگرتنى هاتووچۆ له‌ نێوان ئیداره‌ى گه‌رمیان و ناوچه‌كانى ده‌ره‌وه‌ى ئیداره‌ى هه‌رێم بۆ ماوه‌ى یه‌ك هه‌فته‌.

4- ژوورى ئۆپه‌راسیۆنه‌كانى ئیداره‌ى گه‌رمیان قایمقامیه‌ته‌كانى راسپاردووه‌ به‌ هه‌ماهه‌نگى له‌ گه‌ڵ پۆلیسى هاتووچۆ، ئاسایش، پۆلیسى گه‌رمیان رێوشوێنێ پێویست بگرنه‌به‌ر به‌رامبه‌ر شۆفێرانى ئۆتۆمبیلی تایبه‌ت و كرێ و بارهه‌ڵگرو ئۆتۆمبیلى هێڵه‌كانى گواستنه‌وه‌ى ناو شار خۆیان و سه‌رنیشینه‌كانیان پابه‌ندبن به‌ جێبه‌جێكردنى ڕێنماییه‌كان.

5- دامه‌رزاوه‌كانى كه‌رتى تایبه‌ت ده‌بێت كارمه‌نده‌كانیان پابه‌ندبكه‌ن به‌ به‌ستى ده‌مامك و رێنماییه‌ ته‌ندروستییه‌كان به‌ پێچه‌وانه‌وه‌ به‌ بڕى 150 هه‌زار دینار غه‌رامه‌ ده‌كرێن.

6- ژوورى ئۆپه‌راسیۆنه‌كانى ئیداره‌ى گه‌رمیان له‌ نزیكه‌وه‌ چاودێرى جێبه‌جێكردنى ئه‌م بڕیارو ڕاسپاردانه‌ ده‌كات و ئه‌و لیژنانه‌ى كه‌ پێشووتر دابینكراون بۆ به‌داوداچوون و پشكنین ئه‌كتیڤ ده‌كرێنه‌وه‌ و سه‌ردانى مه‌یدانیان ده‌بێت.

7- پێكهێنانى لیژنه‌ى باڵاى پیشكنین و به‌دواداچوون له‌سه‌ر ئاستى ئیداره‌ى گه‌رمیان به‌سه‌رۆكایه‌تى ئیداره‌ى گه‌رمیان و ئه‌ندامێتى به‌ڕێوه‌به‌رایه‌تییه‌ په‌یوه‌ندیداره‌كانى سنووره‌كه‌ تایبه‌ت به‌ پرسى رووبه‌رووبونه‌وه‌ى كۆرۆنا.

8- ئه‌م بڕیارانه‌ له‌ كاتژمێر 12 شه‌وى 5ى ئابه‌وه‌ جێبه‌جێده‌كرێت.

بەشی بکە لە
Previous Next
Close
Test Caption
Test Description goes like this