ده‌رگاى شوێنه‌ گه‌شتیارییه‌كانى هه‌ڵه‌بجه‌ به‌ڕووى گه‌شتیارانى ده‌ره‌وه‌ى ئه‌و پارێزگایه‌دا داخرا

0
516
سه‌رچاوه‌ى زه‌ڵم له‌ پارێزگاى هه‌ڵه‌بجه‌ | فۆتۆ: SNN

SNN – عەلی حەمە سەعید

ژووری ئۆپراسیۆنەكانی پارێزگای هەڵەبجە پاش كۆبوونەوەیان چەند بڕیارێكی نوێیان بۆ رووبەڕووبوونەوەی كۆرۆنا دەركرد، چیتر رێگەنادرێت گەشتیاری دەرەوە سەردانی ناوچە گەشتیارییەكانی سنوورەكە بكەن، داوا لە وەزارەتی تەندوستیش دەكەن رەزامەندی وەزارەتی دارایی وەربگرن بۆ خەرجكردنی بودجەی تایبەت بە رووبەڕووبوونەوەی كۆرۆنا.

نوخشە ناسیح، قایمقامی قەزای ناوەندی پارێزگای هەڵەبجە و ئەندامی ژووری ئۆپراسیۆنەكانی رووبەڕووبوونەوەی كۆرۆنا بە SNNی راگەیاند: “ژووری ئۆپراسیۆنەكان داوامان لە وەزارەتی تەندروستی كرد بە مەبەستی زیاتر كۆنتڕۆڵكردنی دۆخەكه‌ و باشتر دابینكردنی پێداویستیەكانی پشكنین زیاتر رەچاوی پارێزگای هەڵەبجە بكەن، هەروەها رەزامەندی وەزارەتی دارایی وەربگرن بۆ دابینكردنی بودجە بۆ بانكی خوێن و كڕینی ئامێری جیاكردنەوەی پلازمای خوێن كە تا ئێستا لە پارێزگای هەڵەبجە بوونی نییە”.

وتیشى: “هەر لە كۆبوونەوەكەی ئەمڕۆماندا بڕیارماندا كە لە سبه‌یه‌وه‌ هاتنی گەشتیاری دەرەوەی هەڵەبجە بۆ ناوچە گەشتیاریییەكانی سنووری پارێزگای هەڵەبجە قەدەغەبكرێت، شۆفێری ئۆتۆمبێلی كرێ و تایبەت لە كاتی هەبوونی سەرنشین لەگەڵیاندا ناچاریان بكەن بە بەكارهێنانی دەمامك، هاوكات هەردوو مەرزی شۆشمێ‌ و پشتە تەنیا بۆ كاری ئاڵوگۆڕی بازرگانی كراوە دەبن”.

ئەو ئەندامەی ژووری ئۆپراسیۆنەكانی پارێزگای هەڵەبجە ئەوەشی خستەڕوو: ” دەسەڵات دەدرێتە یەكە ئیدارییەكان بۆ جێبەجێكردنی بڕیارەكان و داخستن و كردنەوەی شوێنە گشتییەكان بە گوێرەی رێنماییەكان، هاوكات بۆ هاتووچۆكردنی هاووڵاتیانیش لە نێوان پارێزگاكاندا دەبێت لەڕێگەی ئۆنلاینەوە رەزامەندی وەزارەتی ناوخۆ بەدەستبهێنن”.

 

بەشی بکە لە
تاگەکانهەڵەبجە
Previous Next
Close
Test Caption
Test Description goes like this