بەشێکی نوێ بۆ پشکنینی کۆرۆنا لە سلێمانی دەکرێتەوە

0
264

SNN

وتەبێژی تەندروستیی سلێمانی رایگەیاند: لە نەخۆشخانەی تاهیر عەلی والی بەگ بەشێکی نوێ بۆ پشکنینی کۆرۆنا بۆ گەشتیاران و شۆفێرانی بارهەڵگرەکان دەکرێتەوە.

د. یاد نەقشبەندی وتەبێژی بەڕێوەبەرایەتی گشتی تەندروستیی سلێمانی ئەمڕۆ لە کۆنفرانسێکی رۆژنامەنووسیدا رایگەیاند: “لە نەخۆشخانەی تاهیر عەلی والی بەگ ناسراو بە نەخۆشخانەی سەرچنار، بەشێکی نوێ دەکرێتەوە، کە تایبەتە بە پشکنینی کۆرۆنا بۆ ئەو گەشتیارانەی کە گەشتی دەرەوەی وڵات دەکەن و بۆ پشکنینی هەر گەشتیارێکیش بڕی 60 هەزار دینار وەردەگیرێت”.

وتیشی: “هەر لەو بەشە پشکنینی کۆرۆنا بۆ شۆفێرانی بارهەڵگرەکان دەکرێت و بۆ هەر پشکنینێکیش بڕی 30 هەزار دینار وەردەگیرێت”.

د.یاد ئاماژەی بەوەکرد: کردنەوەی ئەو بەشە بۆ کەمکردنەوەی قەرەباڵغییە لە نەخۆشخانەی عەلی ناجی کە لە ئێستادا تاکە نەخۆشخانەی سلێمانییە کە پشکنینی کۆرۆنای تێدا دەکرێت و هەوڵدەدەن لە داهاتوودا ئەو بەشە نوێیە فراوانتر بکەن تا هاووڵاتییانیش بتوانن پشکنینی کۆرۆنای لێبکەن.

بەشی بکە لە
Previous Next
Close
Test Caption
Test Description goes like this