كۆمپانیایه‌كى عێراقى بۆ یه‌كه‌مجار ئامێرى پاككه‌ره‌وه‌ى (UV) به‌رهه‌مهێنا

0
153
ئامێرى پاككه‌ره‌وه‌ى (UV)

SNN

ئه‌مڕۆ هه‌ینى كۆمپانیاى پیشه‌سازى كاره‌با و ئه‌لیكترۆنیات رایگه‌یاند: بۆ یه‌كه‌مجار له‌ مێژووى عێراقدا كۆمپانیاكه‌مان توانیوویه‌تى ئامێرى پاككه‌ره‌وه‌ى (UV) به‌رهه‌مبهێنێت كه‌ له‌ڕێگه‌ى تیشكه‌وه‌ به‌كتریا و ڤایرۆسه‌كان ده‌كوژێت.

سوفیان جبورى، به‌ڕێوه‌به‌رى كۆمپانیاى پیشه‌سازى كاره‌با و ئه‌لیكترۆنیات كه‌ سه‌ربه‌ وه‌زاره‌تى پیشه‌سازى عێراقه‌ ئه‌مڕۆ رایگه‌یاند: “بۆ یه‌كه‌مجار كۆمپانیاكه‌مان توانى به‌شێوه‌یه‌كى سه‌ركه‌وتووانه‌ ئامێرى پاككه‌ره‌وه‌ى (UV) به‌رهه‌مبهێنێت كه‌ ده‌توانێت: مۆبایل، كاتژمێر، كه‌ره‌سته‌ى پزیشكى، چاویلكه‌، تابلێت، ماسك، دۆكیۆمێنت، كتێب، كه‌ره‌سته‌ى ناو ئۆفیس خاوێن بكاته‌وه‌”.

وتیشى: “ئه‌مه‌ یه‌كه‌مین جاره‌ كه‌ له‌ عێراق ئه‌م ئامێره‌ به‌رهه‌مدێت و گرنگى تایبه‌تى خۆى هه‌یه‌، چونكه‌ ده‌توانێت جۆرى ئه‌و مادده‌یه‌ى كه‌ ده‌خرێته‌ ناوى بناسێته‌وه‌ و به‌پێى ئه‌وه‌ له‌ ماوه‌ى 30 چركه‌دا خاوێنى ده‌كاته‌وه‌ و هیچ جۆره‌ به‌كتریا و ڤایرۆسێكى پێوه‌ ناهێڵێت”.

به‌ڕێوه‌به‌رى كۆمپانیاى پیشه‌سازى كاره‌با و ئه‌لیكترۆنیات ئه‌وه‌شى خسته‌ڕوو: “ئه‌م كاره‌ ده‌خرێته‌ خزمه‌تى رووبه‌ڕووبوونه‌وه‌ى ڤایرۆسى كۆرۆنا له‌ عێراق، چونكه‌ له‌ ئێستادا رۆژ به‌ رۆژ ئاماره‌كانى له‌ هه‌ڵكشاندان”.

بەشی بکە لە
Previous Next
Close
Test Caption
Test Description goes like this