فڕۆکەیەک بە نزیکەی 190 سەرنشینەوە لە هیندستان تێکشکا

0
604

SNN

کەمێک پێش ئێستا فڕۆکەیەکی هێڵێکی ئاسمانی هیندی بە نزیکەی 190 سەرنشینەوە، لە باشووری هیندستان تێکشکا و مردن و برینداربوونی سەرنشینانی لێکەوتەوە.

بە گوێرەی زانیارییە سەرەتاییەکان کە میدیای هیندستان بڵاویکردووەتەوە، تا ئێستا بەلایەنی کەمەوە سێ کەس گیانیان لەدەستداوە کە یەکێکیان سەر بە تیمی فڕۆکەوانی بووە و دوو کەسەکەی دیکە سەرنشین بوون، هەروەها زیاتر لە 30 کەسی دیکەش بریندارن.

ئاماژەش بەوەکراوە، فڕۆکەکە کە سەر بە هێڵی ئاسمانی ئێر ئیندیا-یە، لە کاتی تێکشکانیدا بووە بە دوو بەشەوە.
تیمی فریاکەوتن گەیشتوونەتە ناوچەکە بۆ بەهاناوەچوونی قوربانییانی فڕۆکەکە.

فڕۆکەکە لە گەشتێکیدا بووە لە شاری دوبەیەوە بۆ شاری کێرالا لە باشووری هیندستان، لەکاتی نیشتنەوەیدا لە فڕۆکەخانەی نێودەوڵەتی کالیکوت تێکشکاوە.

بەگوێرەی هەواڵێکی ماڵپەڕی بی بی سی، فڕۆکەکە بەهۆی بارانێکی زۆر و تەڕبوونی رێڕەوی فڕۆکەخانەکە لە بەرزی 35پێوە تێکشکاوە.

بەشی بکە لە
Previous Next
Close
Test Caption
Test Description goes like this