ئەمڕۆ کەمترین رێژەی تووشبوون بە کۆرۆنا لە ڕاپەڕین تۆمارکرا

0
633

SNN-محەمەد مستەفا

ئەمڕۆ هەینی 7 ی ئاب، لە سنووری ئیدارەی ڕاپەڕین کەمترین رێژەی تووشبوون بە ڤایرۆسی کۆرۆنا تۆمارکرا .

تەها محەمەد بەرپرسی راگەیاندنی تەندروستیی ڕاپەڕین بە SNN ی راگەیاند: ماوەی دوو هەفتەیە ئامارەکانی تووشبوون بە کۆرۆنا لە سنووری ئیدارەی ڕاپەڕین رووی لە دابەزین کردووە و ئەمڕۆ هەینیش کەمترین رێژەی تووشبوون بە ڤایرۆسەکە تۆمارکراوە بەراورد بە ژمارەی زۆری پشکنینەکان لە ماوەی سێ مانگی رابردوودا .

وتیشی: “ئەمڕۆ 67 پشکنینی ڤایرۆسی کۆرۆنا لە ئیدارەی ڕاپەڕین ئەنجامدراوە و لەو ژمارەیەش تەنیا 6 کەسیان تووشبووی ڤایرۆسەکە بوون “.

باسی لەوەشکرد: بە پابەندبوونی هاووڵاتییانی ڕاپەڕین بە رێکارەکانی خۆپارێزی رێژەی تووشبووان بۆ ژمارەیەکی زۆر کەمتر دادەبەزێت .

بەشی بکە لە
Previous Next
Close
Test Caption
Test Description goes like this