یاریگای  به‌سڕه‌ میوانداری یاریه‌كه‌ی عێراق و كەمبۆدیا ده‌كات

0
551
یاریگای بەسڕە

SNN Sport

ده‌سته‌ی ئاساییكردنه‌وه‌ی یه‌كێتی تۆپی پێی عێراق رایگه‌یاند كه‌ یاریگای نێوده‌وڵه‌تی به‌سڕه‌ یاری عێراق و كه‌مبۆدیا له‌ خۆ ده‌گرێت، که‌  له‌ میانه‌ی پاڵاوتنه‌ هاوبه‌شه‌كانی ئاسیا بۆ گەیشتن بە مۆندیالی 2022 و جامی ئاسیا 2023 دەبێت.

ده‌سته‌كه‌ له‌ به‌یاننامه‌یەكیدا وتی:” ده‌سته‌ی ئاساییكردنه‌وه‌ی یه‌كێتی تۆپی پێی عێراق ئاگادارییه‌كی فه‌رمی  له ‌یه‌كێتی تۆپی پێی ئاسیا پێگه‌یشت به‌دیاریكردنی  یاریگای عێراق له‌ یاریه‌كه‌ی كه‌مبۆدیا  له‌ چوارچێوه‌ی یارییه‌كانی گرووپی سێیه‌می پاڵاوتنه‌ هاوبه‌شه‌كانی ئاسیا بۆ گەیشتن بە مۆندیالی قه‌ته‌ری 2022 و جامی ئاسیا 2023 له‌ چین “.

هه‌روه‌ها وتی:” نووسراوی یه‌كێتی تۆپی پێی ئاسیا پاش ئه‌وه هات‌ دوای ئه‌وه‌ی هه‌ردوو یاری هه‌ڵبژارده‌ی عێراق  له‌ قۆناغی چوون  له‌ به‌رامبه‌ر هه‌ڵبژارده‌ی ئێران و به‌حرەین گواسترایه‌وه‌ بۆ ده‌ره‌وه‌ی عێراق،به‌هۆی ئه‌و دۆخەی عێراق به‌ خۆیەوە‌ بینی و خۆپێشاندانه‌كان  له‌ بەشێک لە پارێزگاكانی عێراق ئەنجام دەدراو له‌و كاتەدا هه‌ردوو یاریه‌كه‌ گواسترانه‌وه‌ بۆ عه‌مانی پایته‌ختی ئوردن “.

وتیشی:” ده‌سته‌ی ئاساییكردنه‌وه‌ی یه‌كێتی تۆپی پێی عێراق سه‌باره‌ت به‌ زه‌وی و ئه‌و یاریگایه‌ی یاریه‌كه‌ی هه‌ڵبژارده‌ی عێراق  له‌ به‌رامبه‌ر كه‌مبۆدیا له‌ گه‌ڕی حه‌وته‌می پاڵاوتنه‌كان كه‌ رۆژی 12 تشرینی دووه‌م به‌رێوه‌ده‌چێت وه‌ڵامی دایه‌وه‌ ، به‌ هه‌ڵبژاردنی یاریگای نێوده‌وڵه‌تی به‌سڕه‌  بۆ ئه‌نجامدانی یاریه‌كه‌  له‌ كاتژمێر 7:00ی ئێواره‌”.

له‌ كۆتاییدا ده‌سته‌كه‌ وتی:” هه‌ڵبژاردنی یاریگای نێوده‌وڵه‌تی به‌سڕه‌، پاش راوێژكردن بوو له‌گه‌ڵ سریچكۆ كاتانیچی سلۆڤینی، كه‌ ڕازی بوو به‌وه‌ی ئه‌و یاریگایه‌ ببێته‌ شانۆیه‌كی هه‌میشه‌یی بۆ یارییه‌كانی هه‌ڵبژارده‌ی عێراق له‌ پاڵاوتنه‌كانی ئاسیا “.

 

بەشی بکە لە
Previous Next
Close
Test Caption
Test Description goes like this