41 بەرپرسی عێراقی دەدرێنە دادگای لاهای

0
637

SNN

ئەندامێکی ئەنجومەنی نوێنەرانی عێراق رایگەیاند:  لە دادگای تاوانی نێودەوڵەتی لە لاهای، سکاڵای یاسایی دژ بە 41  بەرپرسی ئەمنی و سیاسی عێراق  تۆمارکراوە و لە ئەمڕۆشەوە دانیشتنی دادگا دەستپێدەکات.

فایەق شێخ عەلی ئەندامی ئەنجومەنی نوێنەرانی عێراق لە تویتێکیدا نوسیویەتی: “ئەمڕۆ دووشەممە، لەلایەن عەلی فازڵ سەرۆکی رێکخراوێکی عێراقی ئەمریکی بۆ بنەبڕکردنی گەندەڵی لە دادگای تاوانی نێودەوڵەتی لاھای سکاڵا لەسەر 41  بەرپرسی عێراقی تۆماردەکرێت کە بە فالح فەیاز دەستپێدەکات و بە حامد جەزائیری کۆتایی دێت و لە ژمارە شەشی نێو لیستەکەدا ناوی ھادی عامری ھاتووە”.

ئەوەشی ئاشکراکرد، لای خۆیەوە پاڵپشتی لە عەلی فازڵ دەکات و لەوبارەوە ھاوکاری دەبێت.

ھاوکات عەلی فازڵ، سەرۆکی رێکخراوێکی عێراقی ئەمریکی بۆ بنەبڕکردنی گەندەڵی رایگەیاندووە: “ئەوە یەکەم ھەنگاوی وەرگرتنەوەی مافەکانە لە بەرپرسانی سیاسی و سەربازی گەندەڵ”.

بەشی بکە لە
Previous Next
Close
Test Caption
Test Description goes like this