پزیشکانی شارەزوور و سەیدسادق بایکۆتی دەوامیان کرد

0
395

SNN-عەلی حەمە سەعید

لەبەرامبەر دواكەوتن و دابەشنەكردنی مووچەكانیان، ئەمڕۆ سەرجەم پزیشكان و كارمەندانی تەندروستی لە نەخۆشخانە گشتییەكانی قەزای شارەزوور و سەیدسادق دەرگای نەخۆشخانەكانیان داخست و رۆشتنەوە ماڵەوە، هیچ حاڵەتێكی كتوپڕیش نابینن.

كەمال ئەحمەد، بەرپرسی بەشی راگەیاندن لە نەخۆشخانەی گشتی شەهید ڕەوف بەگ لە قەزای شارەزوور بە SNNی راگەیاند: بەهۆی دابەشنەكردنی ئەو وادەیەی كە بەڵێندرابوو مووچەی پزیشكان و كارمەندانی تەندروستی دابەشبكرێت، هاوكات دیارینەكردنی هیچ وادەیەك بۆ دابەشكردنی مووچەكانیان، لە ئێستادا سەرجەم پزیشكان و كارمەندانی تەندروستی لە سەرجەم بەشە جیاوازەكانی نەخۆشخانە مانگرتنیان راگەیاندووە.

ئاماژەی بەوەشكرد: لە ئێستادا نەخۆشخانەكە بەڕووی نەخۆشانی سنوورەكە داخراوە و لە بەشی فریاكەوتنیش هیچ حاڵەتێكی كتوپڕ نابیندرێت، هەروەها مانگرتن و بایكۆتكردنی دەوام لە لایەن پزیشكان و كارمەندانی تەندروستی بەردەوامی دەبێت تا ئەو كاتەی مووچەی وەزارەتی تەندروستی دابەشدەكرێت.

هەر بە هەمان هۆ لە قەزای سەیدسادقیش پزیشكان و كارمەندانی تەندروستی نەخۆشخانەی گشتی شەهید شەوكەتی حاجی مشیر بایكۆتی دەوامیان كردووە، داواكارن حكومەت مووچەكانیان دابەشبكات و كۆتایی بەم دۆخە خراپەی مووچەخۆران بهێنێت.

بەشی بکە لە
Previous Next
Close
Test Caption
Test Description goes like this