بکوژەکەی بن لادن نهێنی نوێ و سەیر ئاشکرا دەکات

0
232

ئەو کەسەی دوایین فیشەک دەنێت بەتەوێڵی ئوسامە بن لادن سەرۆکی رێکخراوی قاعیدەوە و ئەندامی سەرەکی تیمی نەیڤی سیڵز بووە، کاتێک ئۆپراسیۆنی (تیری نیپتۆن)یان ئەنجامدا لەپاکستان، نهێنی نوێ لەدوای 9 ساڵ لەو کردەیە ئاشکرا دەکات.

 

رۆب ئۆنێل سەربازی تایبەتی ئۆپراسیۆنی کوشتنی بن لادن بۆ کەناڵی فۆکس نیوز دەڵێت: “چەند هەفتەیەک لە شاخێکی ئەمریکا مەشقی تایبەتیان کردووە، پێش ئەوەی بچنە پاکستان”.

 

دەشڵێت: “هیچ هیوایەکی نەبووە کە بەسەلامەتی دەگەڕێتەوە و هەموو ئۆپراسیۆنەکەش تەنیا 38 دەقیقەی خایاندووە”.

 

ئۆنێڵ لەدرێژەی قسەکانیدا دەڵێت: “کاتێک چۆتە قاتی سێیەمی ئەو ماڵەی بن لادنی تێدا بووە، لەژوورەکەی بن لادن ژمارەیەک کچ و ژنیان بینیوە کە یەک دووێکیان ژن و کچی بوون”.

 

وتیشی: “لەو کاتەدا کە دوو هەنگاو لێیەوە دوور بووم، پیاوێکم بینین لەدوای ژنەکەیەوە وەستابوو دەستی خستبووە سەر شانی ژنەکەی، کە لێی وردبوومەوە بۆم دەرکەوت ئەم رووخسارە ئەوەیە کە هازاران جار دیومە و ئوسامە خۆیەتی”.

 

ئەوەشی ئاشکرا کردووە کە چەند چرکەیەک دوای ئەو بینینە بێ ئەوەی هیچ بەیەک بڵێن “دوا فیشەکی ناوە بە بن لادن-ەوە و کوشتوێتی”.

 

#SNN #BINLADN

بەشی بکە لە
Previous Next
Close
Test Caption
Test Description goes like this