عێراق یەکێک دەبێت لەو وڵاتانەی کە دەبێتە خاوەن ڤاکسینەکەی رووسیا

0
551

SNN

ریاز حەلەفی بەڕێوەبەری گشتنی لە وەزارەتی تەندروستی عێراق رایگەیاند: هەرکاتێک ڤاکسینە نوێیەکەی کۆرۆنا مۆڵەت لە رێکخراوی تەندروستی جیهانی وەربگرێت، ئەوا عێراق یەکێک دەبێت لەو وڵاتانەی کە دەیەوێت ببێت بە خاوەنی ئەو ڤاکسینە.

بەڕێوەبەری گشتنی لە وەزارەتی تەندروستی عێراق لە کۆنگرەیەکی رۆژنامەوانیدا رایگەیاند، عێراق ئەندامی هاوپەیمانێتی جیهانی ڤاکسینەکانە، کە ئەو وڵاتانەی تێدایە کە دەیانەوێت ڤاکسینە پەرەپێدراوەکانی جیهانیان دەستبکەوێت.

ئاماژەی بەوەشکرد، ڤاکسینە نوێیەکەی رووسیا هێشتا لەلایەن رێکخراوی تەندروستی جیهانییەوە کارایی و سەلامەتییەکەی پشتڕاست نەکراوەتەوە، بۆیە عێراق لە پەیوەندی بەردەوامدا دەبێت، هەرکاتێک کارایی ڤاکسینەکە سەلمێنرا، دەبێت بە یەکێک لەو وڵاتانەی کە داوای ڤاکیسینەکە دەکات.

ڤلادیمێر پوتین، سەرۆکی روسیا لەمیانی کۆبونەوەی لەگەڵ ئەنجومەنی وەزیرانی وڵاتەکەی رایگەیاند، وەزارەتی تەندروستی روسیا رەزامەندی لەسەر بەرهەمهێنانی یەکەمین ڤاکسینی کۆرۆنا داوە، تا ئێستا 20 وڵاتی جیهان داوای ملیارێک دەرزی ڤاکسییەنەکەیان لە وڵاتەکەی کردووە.

لەلایەکی دیکەوە وەزارەتی تەندروستی روسیا رایگەیاند، بەرهەمهێنانی ڤاکسینە پەرەپێدراوەکە لە مانگی ئەیلولی داهاتودا دەستپێدەکات.

بەشی بکە لە
Previous Next
Close
Test Caption
Test Description goes like this