كۆبوونه‌وه‌ى ئه‌نجوومه‌نى وه‌زیران له‌باره‌ى دابه‌شكردنى مووچه‌ى مانگى ئازار ده‌ستیپێكرد

0
1528
مه‌سرور بارزانى، سه‌رۆكى حكومه‌تى هه‌رێم | فۆتۆ: KRG

SNN – مەودا مستەفا

ئه‌نجوومه‌نى وه‌زیرانى حكومه‌تى هه‌رێم تایبه‌ت به‌ دابه‌شكردنى مووچه‌ى مانگى ئازار و رێككه‌وتنى هه‌ولێر و به‌غدا ده‌ستیپێكرد.

مه‌ودا مسته‌فا په‌یامنێرى SNN له‌ هه‌ولێر رایگه‌یاند: “كۆبوونەوه‌ی ئەنجوومەنی وەزیران كاتژمێر 11:00 بە سەرۆكایەتی مه‌سرور بارزانی، سه‌رۆكى حكومه‌ت و قوباد تاڵەبانی، جێگری سەرۆكی حكومەت بەشێوەی ئۆنڵاین ده‌ستیپێكرد”.

به‌پێى راگه‌یه‌نراوى حكومه‌تى هه‌رێم له‌باره‌ى ناوه‌ڕۆكى كۆبوونه‌وه‌كه‌ و ئه‌و ته‌وه‌رانه‌ى كه‌ گفتوگۆیان له‌باره‌وه‌ ده‌كرێت، “تەوەری یەكەم تایبه‌ته‌ به‌ چۆنیه‌تى دابەشكردنی مووچەی مانگی ئازارى فەرمانبەران، لە كۆبوونەوەكەدا بڕیار لەسەر ئەوە دەدرێت، ئایا دابەشكردنی مووچەى مانگی ئازار وەك مووچەی مانگی شوبات بە بڕینی 21% دەبێت، یاخود مووچەی تەواو دابەشدەكرێت”.

هه‌ر به‌پێى راگه‌یه‌نراوه‌كه‌، “تەوەری دووەم تایبه‌ت ده‌بێت به‌ پرسی گفتوگۆكانی نێوان هەولێر و بەغدا، پرسی چوونی شاندی هەرێم بۆ بەغداد دەخرێتەڕوو گفتوگۆی لەسەر دەكرێت”.

حكومه‌تى هه‌رێمى كوردستان مانگى رابردوو به‌هۆى نه‌بوونى پاره‌ى پێویست مووچه‌ى مانگى ئازارى به‌ لێبڕینى 21٪ دابه‌شكرد، جوتیار عادل، وته‌بێژى حكومه‌تى هه‌رێمى كوردستانیش رایگه‌یاند: “لێبڕینه‌كه‌ ته‌نیا بۆ مووچه‌ى مانگى شوباته‌ و مانگه‌كانى داهاتوو به‌رده‌وام نابێت”.

بەشی بکە لە
Previous Next
Close
Test Caption
Test Description goes like this