عێراق ڕای خۆی دەربارەی ڤاکسینە رووسییەکەی کۆرۆنا ئاشکرا کرد

0
527

SNN

وەزارەتی تەندروستی و ژینگەی عێراق جەختیکردەوە، بەهەماهەنگی لەگەڵ رێکخراوی تەندروستیی جیهانی لێکۆڵینەوە لە ڤاکسینە رووسییەکە دەکات، بۆ دڵنیابوون لە گرەنتی و چالاکی پێکوتە نوێیەکە لە رووبەڕووبوونەوەی کۆرۆنادا.

حازم جومەیلی بریکاری وەزیری تەندروستیی عێراق بە میدیاکانی راگەیاند، “لایەنە هونەرییەکان لە وەزارەتی تەندروستیی و بەهەماهەنگیکردن لەگەڵ رێکخراوی تەندروستیی جیهانی لێکۆڵینەوە لە گرەنتی و چالاکی ڤاکسینە نوێیە روقسیەکە دەکات بۆ رووبەڕووبوونەوەی کۆرۆنا.”

ئاماژەی بەوەشکرد، “تائێستا زانیارییەکان لەبارەی ڤاکسینە نوێیەکە تەواونەبووە و نەگەیشتووەتە کۆتایی.”

ئەوەشی ئاشکراکرد، “وەزارەتی تەندروستیی بۆی نییە هیچ ڤاکسینێک بەکاربهێنێت تا رێکخراوی تەندروستیی جیهانی دانی پێدانەنێت، چونکە رێککەوتن و هاوکاریکردنی یەکتری و هەماهەنگی لەنێوانماندا هەیە.”

ئەوەشی روونکردەوە، “وەزارەتی تەندروستیی لەپەیوەندی بەردەوامدایە لەگەڵ نوێنەری رێکخراوی تەندروستیی جیهانی لە بەدواداچوونی وردەکارییەکانی ئەم بابەتە”، وتیشی، “لە پەیوەندی بەردەوامداین لەگەڵ دەسەڵاتدارانی تەندروستیی رووسیا لەسەر وەرگرتنی رێوشوێنی پێویست و ئامادەکاری پێشوەختە لەسەر ڤاکسینەکە، ئەم رێوشوێنانە لەگەڵ هەموو ڤاکسینە نوێیەکان دەگیرێتەبەر لەپێناو دڵنیابوون لە سەلامەتی و چالاکی ڤاکسینەکە.”

رۆژی سێشەمەی رابردوو، رێکخراوی تەندروستی جیهانی رایگەیاند، “رێکخراوەکە و دەسەڵاتدارانی رووسیا پرۆسەی ئامادەکاری و متمانەپێدان تاوتوێدەکەن لەسەر ڤاکسینە نوێیەکەی رووسیا”.

بەشی بکە لە
Previous Next
Close
Test Caption
Test Description goes like this