هەزاران ماسی بەهۆی گرتنەوەی ئاوی زێی بچوک لەناوچوون

0
1080

SNN- محەمەد مستەفا

بەهۆی گرتەوەی ئاوی زێی بچوک لە لایەن ئێرانەوە، لە سنووری قەزای پشدەر هەزاران ماسی لەناوچوون و بەڕێوبەری پۆلیسی دارستان و ژینگەی راپەڕینیش دەڵێت:” گرتنەوەی ئاوی زێی بچوک مەترسی گەورەی ژینگەی لە راپەڕین دروست دەکات “.

عەمید شۆڕش کاکە فەتحوڵا بەڕێوەبەری پۆلیسی دارستان و ژینگەی راپەڕین بە SNNی ڕاگەیاند: ماوەی چەند ساڵێکە وڵاتی ئێران لە وەرزی هاویندا ئاوی زێی بچوک دەگرێتەوە، بەو هۆیەشەوە زیانێکی زۆر بە سامانی ماسی ئاوی زێی بچوک دەگات و ساڵانە بەو هۆیەوە هەزاران ماسی لەناو دەچن و جگەلەوەی گرتنەوەی ئاوی زێی بچوک مەترسی ژینگەی گەورە لەسەر ئیدارەی راپەڕین و دروست دەکات .

عمید شۆڕش وتیشی ” جگە لە زیانگەیاندن بە سامانی ماسی، گرتنەوەی ئاوی زێی بچووک کاریگەری خراپی لەسەر کەرتی کشتوکاڵ و ژینگەی ناوچەکە دەبێت بەو پێیەی بەشێکی زۆری جوتیارانی ناوچەکە بۆ کشتوکاڵ کردن پشت بە ئاوی زێی بچوک دەبەستن”.

بەڕێوەبەری پۆلیسی دارستان و ژینگەی راپەڕین باسی لەوەشکرد: “بۆ پاراستنی ژینگە و کشتوکاڵی سنوورەکە و سامانی ئاژەڵ و ماسی بڕیارە بە هەماهەنگی فەرمانگە پەیوەندیدارەکانی ئیدارەی راپەڕین ئەنجومەنێکی ژینگەی دروستبکەن”.

فۆتۆ محەمەد مستەفا 

بەشی بکە لە
Previous Next
Close
Test Caption
Test Description goes like this