دۆخی هەولێر لەمەترسیدایە

0
1049

SNN- مەودا مستەفا

بەرپرسی راگەیاندن و پەیوەندییەکان لەبەڕێوبەرایەتی گشتی تەندروستیی هەولێر رایدەگەێنێت: “بەهۆی پابەندنەبوونی هاووڵاتییان لەئێستادا دۆخی تەندروستی لە شاری هەولێر لەمەترسیدایە و رۆژانە ژمارەی تووشبووان بە ڤایرۆسی کۆرۆنا زیاتر دەبن”.

سامان سەلمان بەرپرسی راگەیاندن و پەیوەندییەکان لە بەڕێوبەرایەتی گشتی تەندوستیی هەولێر بە SNNی راگەیاند: “بەهۆی پابەندنەبوونی هاووڵاتییان بە رێنماییەکان، دۆخی تەندروستیی هەولێر بەم رۆژە گەیشت، کە بەداخەوە رۆژانە ئامارەکانی تووشبووان بە ڤایرۆسی کۆرۆنا زیاد دەکەن”.

وتیشی: “لەماوەی 24 کاتژمێری رابردوو هەزار و 80 پشکنین کراوە لەو ژمارەیە 389 تووشبووی نوێ دەستنیشانکراون و 50 بۆ 60 نەخۆشیش لە ئێستادا لە نەخۆشخانەکانی شاری هەولێر دۆخیان ناجێگیرە و لەژێر چاودێری چڕی پزیشکیدان”.

ئاماژەی بەوەشکرد: پێویستە هاووڵاتییانی شاری هەولێر هاوکاری تیمەکانی تەندروستی بن بۆ ئەوەی چیتر ئازیزانمان نەبنە قوربانی و پێویستە تەواوی چین و توێژەکان پابەندی رێنماییەکانی وەزارەتی تەندروستی بن.

بەشی بکە لە
Previous Next
Close
Test Caption
Test Description goes like this