پەرلەمانتارێکی یەکێتی چەند بەڵگەیەک لەسەر پارەکەی هەرێم لە لوبنان دەخاتەڕوو

0
650

SNN

سەرکۆ ئازاد گەڵاڵی بڕیاردەری لیژنەی سامانەسروشتییەکان لە پەرلەمانی کوردستان، چەند بەڵگەیەکی دامەزراوە نێودەوڵەتییەکان سەبارەت بە بردنەدەرەوەی یەک ملیار دۆلاری هەرێم بۆ لوبنان دەخاتەڕوو و داواشدەکات کاری جددی بکرێت لەسەر گەڕاندنەوەی ئەو پارەیە.

لە پۆستێکیدا ئەو پەرلەمانتارەی یەکێتی کە لە هەژماری خۆی لە فەیسبووک بڵاویکردووەتەوە رایدەگەیەنێت: “بەڕێز سەرۆکی حکومەت و بەڕێزان دەستەی داواکاری گشتی خێرا لیژنەی لێکۆڵینەوەتان دروست کرد و داوای بەڵگەتان لە من دەکرد بۆ ملیار دۆلارە گیرخواردوەکەی لوبنان، فەرموون ئەوە بەڵگەی دامەزراوە نیێدەوڵەتیەکانە، ئەگەر بە بەڵگەی دامەزراوە نێودەوڵەتیەکانیش قەناعەت ناکەن بەڵگەی دیکە زۆرە بخریتە ڕوو”.

راشیگەیاندووە: “ئەگەر مەبەستتان گەڕانەوەی ئەو پارەیە کە دڵنیام لە ئێستادا زۆر پێویستان پێیەتی، فەرموون لیژنەکەی بەڕێزتان کاری جدی  لەسەر بكەن بۆ گەڕانەوەی ( یەك ملیار دۆلارەكە)ی لوبنان، دەتوانن بەشێکی زۆر کێشەی مووچەی پێ چارەسەر بکەن و خۆتان لە ئیحراجی خەڵك و شەقام و موچەخۆرانیش رزگاربكەن “.

پێشتر ناوەندی زانیاری ئەمریکی S&P GLOBAL ئاشکرایکرد حکومەتی هەرێم بڕی یەک ملیار دۆلاری لە بانکەکانی هەرێم سڕکراوە و دەستیبەسەرداگیراوە و بەهۆی دۆخی دارایی لوبنان ناتوانرێت ئەو پارەیە بگەڕێندرێتەوە.

بەڵگەکان:

بەشی بکە لە
Previous Next
Close
Test Caption
Test Description goes like this