“گه‌شتوگوزاری هه‌رێمی كوردستان به‌ره‌و داڕمان ده‌چێت”

0
221

SNN

وتەبێژی دەستەی گەشتوگوزاری هەرێم رایدەگەیەنێت، بەهۆی ڤایرۆسی کۆرۆناوە کەرتی گەشتیاری لە هەرێم زیانی زۆری بەرکەوتووە و خاوەن میوانخانە و کۆمپانیا گەشتیارییەکانیش زۆرترین زیانیان بەرکەوتووە.

نادر رۆستی لە پۆستێکیدا کە لە هەژماری خۆی بڵاویکردووەتەوە رایگەیاندووە: ” ڤایرۆسی كۆرۆنا له‌ زۆر لاوه‌ سوود و زیانی پێگه‌یاندووین، ته‌نانه‌ت بۆ هه‌ندێك كه‌س و بازرگان زۆر به‌سوود بووه‌، چونكه‌ بابه‌ته‌كانیان به‌ هۆی مه‌ترسی و هه‌ڕه‌شه‌كانی كۆڕۆنا زیاتر فرۆشتی كه‌وتوته‌ سه‌ر و بازاڕیان گه‌رمتر بووه‌، به‌ڵام كه‌رتی گه‌شتیاری به‌ گشتی زیانی زۆری به‌ركه‌وتووه‌، به‌تایبه‌ت كه‌رتی تایبه‌تی گه‌شتیاریی، و‌اته‌ خاوه‌ن میوانخانه و چێشتخانه‌ و كۆمپانیا و سه‌رجه‌م بنكه‌كانی گه‌شتیاری”.

ئاماژەی بەوەشکردووە: ” له‌ 6 مانگی رابردوو زیانی زۆر به‌ خاوه‌ن بنكه‌كانی گه‌شتیاری كه‌وتووه‌، تاكو ئێستاش به‌رده‌وام زیانیان پێ ده‌كه‌وێت، به‌شێك له‌ شوێن و بنكه‌كان مایه‌پوچ بوونی خۆیان راگه‌یاندووه‌ و هه‌ره‌سیان هێناوه‌، رۆژ دوای رۆژ ژماره‌یان زیاتر ده‌بێت، واته‌ شوێنی گه‌شتیاری به‌ره‌و كه‌مبوونه‌وه‌ ده‌ڕۆن”.

لە درێژەی قسەکانیدا نادر رۆستی وتوویەتی: ” پرسیار ئه‌وه‌یه‌، ئایا ئه‌گه‌ر هاتووچۆی گه‌شتیاری نێوان پارێزگاكانی هه‌رێم ئاسای بكرێته‌وه‌ چ له‌ بارودۆخی شاره‌كانی هه‌رێمی كوردستان ده‌گۆڕێ؟ ئێستا بارودۆخی هه‌ولێر و سلێمانی چ جیاوازیه‌كی هه‌یه‌؟ یان بارودۆخی هه‌ندێك شاری عێراق و هه‌رێم چ جیاوازیه‌كی هه‌یه‌؟ كۆڕۆنا له‌سه‌رجه‌م جیهان بڵاوبۆته‌وه‌، له‌سه‌رجه‌م شاره‌كانی عێراق بڵاوبۆته‌وه‌، چاره‌سه‌ر له‌وه‌دا نییه‌ رێگری له‌ بازرگانی و هاتووچۆ و جوڵه‌ی گه‌شتیاری بكرێ، چاره‌سه‌ر له‌وه‌دایه‌ رێوشوێنی خۆپارێزی و پابه‌ند بوون زیاتر بكرێ. گه‌شتیارێكی به‌غدا یان سلێمانی، یان هه‌ر شارۆچكه‌یه‌ك بێته‌ میوانخانه‌یه‌كی هه‌ولێر هه‌مان مه‌ترسی هه‌یه‌، بۆیه‌ پێویسته‌ هه‌مان رێكاری خۆپارێزی له‌به‌رامبه‌ریدا بگیرێته‌به‌ر”.

 

بەشی بکە لە
Previous Next
Close
Test Caption
Test Description goes like this