نوێترین زانیاری لەبارەی ئاساییبوونەوەی دۆخی سلێمانی دوای کۆرۆنا

0
421

د. سەباح هەورامی: پێشنیازی کردنەوەی بەشێک لەفەرمانگەکانمان کردووە

بەڕێوەبەری تەندروستی سلێمانی رایدەگەیەنێت “پێشنیازیان کردووە چەند فەرمانگەیەکی حکومی دەست بە دەوام بکەنەوە و سێ قۆناغیشمان داناوە بۆ کردنەوەی مزگەوتەکان.

بەڕێوەبەرایەتى ئەوقافى سلێمانى داواى لە بەڕێوبەرایەتى تەندروستى سلێمانى کردوە،کە پێشنیازیان لە بارەى خۆپارێزى بۆ کردنەوەوەى مزگەوتەکان بۆ بکەن، و تەندروستى سلێمانیش داواى کردوە بە 3 قۆناغ مزگەوتەکان بکرێنەوە.

 

د.سەباح هەورامى، بەڕێوبەرى تەندروستى سلێمانى بە SNNى ڕاگەیاند”شارى سلێمانى لە ڕووى ڤایرۆسى کۆرۆناوە قۆناغى مەترسى تێپەڕاندوە و لە ئێستادا هیچ نەخۆشێک لە نەخۆشخانەکاندا بوونیان نەماوە،بۆیە پێشنیازمان کردوە کە بەشێکى دیکەى سێکتەرەکانى ژیان بکرێنەوە لەوانە کردنەوەى دەرگاى مزگەوتەکان”.

 

ووتیشى”ئەوقافى سلێمانى داواى کردووە پێشنیازى خۆمانیان پێى بڵێین لە بارەى کردنەوەى مزگەوتەکان و ئێمەش داوامان کردوە، بە 3 قۆناغ مزگەوتەکان بکرێنەوە، قۆناغى یەکەم تەنها نوێژە فەرزەکان بکرێت و دەستنوێژى تێدا نەگیرێت و نوێژخوێنان بەرماڵ لەگەڵ خۆیاندا بهێنن، قۆناغى دووەم، نوێژى بەکۆمەڵى تێدا بکرێت، قۆناى سێهەمیش هەموو ئەو مەراسیمانەى کە لە ڕابردوودا لە مزگەوتەکاندا کراوە وەکو خۆى و بە جێبەجێکردنى ڕێنماییە تەندروستییەکانەوە دەستپێدەکاتەوە”.

 

ڕاشیگەیاند “جگە لە مزگەوتەکان پێشنیازى کردنەوەى بەشێک لە دەوامى فەرمانگەکان کراوە لەوانە بەڕێوبەرایەتى پاسپۆرت و هاتوچۆ و دادگاکان کە بۆ ئەم قۆناغە پێویستە بکرێنەوە، ئەویش بێگومان لەژێر ڕێککارە تەندروستییەکاندا دەبێت”.

#SNN_EXCLUSIVE

بەشی بکە لە
Previous Next
Close
Test Caption
Test Description goes like this