“باوكێك كوڕه‌ ته‌مه‌ن 24 ساڵانه‌كه‌ى ده‌داته‌ به‌ر گوللـه‌ و ده‌یكوژێت”

0
4962
سه‌نگه‌ر گۆران، قوربانى | فۆتۆ: SNN

SNN – سیروان حه‌سه‌ن
به‌هۆى كێشه‌یه‌كى كۆمه‌ڵایه‌تییه‌وه‌ له‌ قه‌زاى خورماتوو باوكێك كوڕه‌ ته‌مه‌ن 24 ساڵانه‌كه‌ى ده‌داته‌ به‌ر گوللـه ‌و ده‌یكوژێت.

عه‌مید حسێن عه‌لى، به‌ڕێوه‌به‌رى پۆلیسى خورماتوو به‌ SNNى راگه‌یاند: “دره‌نگانى شه‌وى رابردوو هه‌ینى 15ى ئاب، له‌ قه‌زاى خورماتوو هاووڵاتییه‌ك به‌هۆى كێشه‌ى خێزانى نێوانیان كوڕه‌كه‌ى داوه‌ته‌ به‌ر گوللـه ‌و كوشتوویه‌تى”.

وتیشى: “كوڕه‌ كوژراوه‌كه‌ ناوى (سه‌نگه‌ر گۆران)ه‌و ته‌مه‌نى 24 ساڵه‌، له‌ لایه‌ن باوكییه‌وه‌ به‌ ده‌مانچه‌ ته‌قه‌ى لێكراوه‌”.

له‌باره‌ى ده‌ستگیركردنى تۆمه‌تبارى رووداوه‌كه‌ به‌ڕێوه‌به‌رى پۆلیسى خورماتوو ئه‌وه‌شى خسته‌ڕوو: “له‌دواى تاوانه‌كه‌ باوكه‌كه‌ هه‌ڵاتووه‌ و تاوه‌كو ئێستا ده‌ستگیر نه‌كراوه‌”.

بەشی بکە لە
Previous Next
Close
Test Caption
Test Description goes like this