“به‌بێ دابه‌ش كردنى مووچه‌ى مامۆستایان ئه‌سته‌مه‌ ده‌ست به‌ پرۆسه‌ى خوێندن بكرێت”

0
894

SNN-هه‌وراز ئه‌حمه‌د

به‌ڕێوەبه‌رى په‌روه‌رده‌ى سلێمانى رایگەیاند :”ده‌ست به‌ ئاماده‌كارى كراوه‌ بۆ ساڵى نوێى خوێندنى 2020-2021 و تاقیكردنه‌وه‌كانى وه‌رزى دووه‌میش ده‌ستیانپێكردووه‌”.

دڵشاد عومه‌ر، به‌ڕێوەبه‌رى په‌روه‌رده‌ى سلێمانى به‌ snnى راگه‌یاند :”له‌ رووى قوتابخانه‌ و كاره‌كانى ده‌ستپێكردنه‌ى پرۆسه‌ى خوێندن ئاماده‌كارى ته‌واو كراوه‌ و له‌ ئێستاشدا تاقیكردنه‌وه‌كانى وه‌رزى دووه‌م ئه‌نجامده‌درێت ئه‌مه‌ش ده‌رخه‌رى ئه‌وه‌یه‌ ئێمه‌ ئاماده‌ین بۆ ده‌ستپێكردنى ساڵى نوێى خوێندنى 2020-2021 له‌ ژێر رێنماییه‌ ته‌ندروستییه‌كاندا”.

وتیشى: “به‌بێ دابه‌شكردنى مووچه‌ له‌ كاتى خۆیدا ئه‌سته‌مه‌ بتوانرێت ده‌ست به‌ پرۆسه‌ى خوێندن بكرێت، ئه‌گه‌ر مووچه‌ دابه‌ش نه‌كرێت مامۆستا به‌م جۆره‌ى ئێستا ئاماده‌ نییه‌ بچێته‌ هۆڵه‌كانى خوێندنه‌وه‌ و ده‌رگاى قوتابخانه‌ ناكاته‌وه‌”.

سه‌ره‌تاى مانگى ئه‌یلولى هه‌موو ساڵێك له‌ هه‌رێمى كوردستان ده‌ست به‌ پرۆسه‌ى خوێندن ده‌كرێت، به‌ڵام پێده‌چێت پرۆسه‌ى خوێندنى ئه‌مساڵ جیاوازتر بێت بەهۆی دۆخى كۆرۆنا و دابه‌شنه‌كردنى مووچه‌ له‌ كاتى خۆیدا”.

بەشی بکە لە
Previous Next
Close
Test Caption
Test Description goes like this