گرژییەکانی ئەمریکا و چین کۆمپانیای عەلی بابا-ش دەگرێتەوە

0
289

SNN

دۆناڵد ترەمپ رایگەیاند، فشارەکانی وڵاتەکەی بۆ سەر کەرتی تەکنەلۆژیای چین زیاتر دەکات و بەمزیکانە کۆمپانیای زەبەلاحی دیکەی چینی، وەک کۆمپانیای عەلی بابا دەکاتە ئامانج.

ترەمپ ئەو هەواڵەی لە میانی کۆنفرانسێکی رۆژنامەوانیدا دووپاتکردەوە، کە پرسیاری لێکرا سەبارەت بەوەی کە ئایا ئەمریکا تاوتوێی قەدەغەکردنی کارەکانی کۆمپانیای دیکەی چینی لە ئەمریکا دەکات.

سەرەتای ئەم مانگە سەرۆکی ئەمەریکا بە تۆمەتی “سیخوڕیکردن” بڕیاریدا هەر مامەڵەیەکی وڵاتەکەی لەگەڵ هەردوو کۆمپانیای بایت دانسی خاوەنی تیک تۆک و تێنسێنتی خاوەنی ویچات قەدەغە بکات و بڕیارەکە دەبێت لە ماوەی 45 رۆژدا جێبەجێبکرێت.

لە بەرامبەریشدا وەزارەتی دەرەوەی چین بە تووندی دژایەتی بڕیارەکەی ئەمەریکای کرد. وانگ وێنبین وتەبێژی وەزارەتی دەرەوەی چین رایگەیاند: “پەکین بەرگری لە مافە یاسایی و بەرژەوەندییەکانی دەکات و دەبێت ئەمەریکا بەرگەی دەرەنجامی رەفتارەکانی بگرێت”.

گرژییەکانی نێوان ئەمریکا و چین، وڵاتان و کۆمپانیا جیهانییەکانی ناچارکردووە لایەنگری یەکێک لەو دوو وڵاتە بکەن لە کاتێکدا ناکۆکییەکانی نێوانیان دەبێتە هۆی زیانگەیاندن بە کۆمپانیا جیهانییەکان.

بەشی بکە لە
Previous Next
Close
Test Caption
Test Description goes like this