“له‌ هه‌ولێر نه‌خۆشخانه‌یه‌كى حكومى پاش دروستكردنى ده‌كرێته‌ نه‌خۆشخانه‌ى تایبه‌ت”

0
982

SNNـ مەودا مستەفا

تادێت ناڕەزایه‌تییه‌كان بەرامبەر بەگۆڕینی نەخۆشخانەیەکی حکومی بۆ تایبه‌ت لە هەولێر زیاتر دەبن، بەڕێوەبەری گشتی تەندروستیی هەولێريش دەڵێت: “پێموایە نەخۆشخانەکە لەسەر ئەرکی حکومەت دروستنەکراوە”.

ئەمڕۆ یەکشەمە، دلۆڤان محەمەد، بەڕێوەبەری گشتی تەندروستیی هەولێر لە کۆنگرەیەکی رۆژنامەوانیدا لەبارەی ئەو نەخۆشخانەیەی “لەسەر داهاتی حکومەت دروستکراوە و کراوەتە نەخۆشخانەی تایبه‌ت” رایگەیاند: “پێموایە لەسەر ئەرکی حکومەت دروستنەکراوە، بەڵام ئەگەر پێویست بکات بەدواداچوونی بۆ دەکەین و روونکردنەوەی زیاتر دەخەینەڕوو”.

چالاکوان و رۆژنامەنووسانی شاری هەولێر ماوەی چەند رۆژێکە هەڵمەتێکی فروانیان لە تۆڕی کۆمەڵایەتی فەیسبووک دەستپێکردووە و عەلی ئەحمەد یەکێکە لەو کەسانەی کە بەشداری هەڵمەتەکەی کردووە بە SNNی راگەیاند: “نەخۆشخانەی (سانتێ لایف) کە بەناوی نەخۆشخانەی منداڵانەوە حکومەت دروستیکرد، ئێستا نەخۆشانی کۆرۆنا بە نرخێکی خەیاڵی وەردەگرێت، هەروەها حکومەت نزیکەی 20 ملیار دیناری تێدا خەرج کردووە، کەچی ئێستا دراوەتە کەسێکی بەناو تایبه‌ت بەبێ دیاربوونی هۆکارەکەی کە گوایە بە زیاتر لە بیست ساڵ قەرزەکەی بداتەوە حکومەت”.

وتیشی: “بەڕوونیش دیاربووە کە نوسراوە نەخۆشخانەکە بۆ کەمدەرامەت و هەژارانە، کەچی ئێستا بۆتە تایبه‌ت و نرخی خەیاڵییە، هەولێر ئێستا یەک نەخۆشخانەی حکومی هەیە هەبوونی ئەو نەخۆشخانەیە زۆر پێویسته، داوا دەکەین داواکاری گشتی دۆسییە بۆ ئەو گەندەڵییە بکاتەوە بۆ ئەوەی ئەو نەخۆشخانەیە بگەڕێنێتەوە کەرتی حکومی بۆ منداڵانی کەمدەرامەت، من سکاڵام لەسەر ئەو کەسانە هەیە کە دەستیان لە فرۆشتن و هەڕاجکردنی ئەو نەخۆشخانەیە حکومیە هەیە”.

بەشی بکە لە
Previous Next
Close
Test Caption
Test Description goes like this