وێنه‌: یانه‌ى سلێمانى به‌ پێكهاته‌ى لاوانه‌وه‌ به‌شدارى خولى پله ‌یه‌كى عێراق ده‌كات

0
832
یانەی سلێمانی

ئه‌رده‌ڵان محه‌مه‌- SNNsport

دواى شه‌ش ساڵ دابڕان له‌ خولى نایابی عێراق یانه‌كه‌ ده‌یه‌وێت جارێكیتر له‌ریزى یانه‌ پله‌ یه‌كه‌كانه‌وه‌ بگه‌ڕێته‌وه‌ ریزی یانه‌ گه‌وره‌كان و دوای دروستكردنى پێكهاته‌كه‌ى به‌یاریزانى لاوانی یانه‌كه،‌ مه‌شقه‌كانى له‌ یاریگای نێوده‌وڵه‌تى سلێمانى ده‌ست پێكرد.

تیپى تۆپى پێی یانه‌ی سلێمانی له‌ ژێر سه‌رپه‌رشتى ستافی راهێنه‌ران ئه‌یاد شه‌مسوڵڵا و ئازاد حاته‌م و كامه‌ران عومه‌ر مه‌شقه‌كانی تیپی تۆپی پێی ده‌ست پێكرد به‌ ئامانجی سه‌ركه‌وتنیان بۆ خولی نایابی عێراق كه‌ ماوه‌ی شه‌ش ساڵه‌ لێی دووره‌.

ئازاد حاته‌م راهێنه‌رى یانه‌ی سلێمانی ئه‌وه‌ی خسته‌ڕوو:” یانه‌ی سلێمانی ساڵانێكه‌ دابڕاوه‌ له‌ خوله‌كانی عێراق و كوردستان، به‌ڵام ئه‌مساڵ یانه‌ی سلێمانی بڕیاریدا به‌شداری خولی عێراق بكاته‌وه‌، به‌ڵام جیاواز له‌ ساڵانی رابردوو ئه‌مساڵ خولی پله‌یه‌كی عێراق ده‌ست پێده‌كاته‌وه‌ كه‌ به‌سێ قۆناغ ده‌بێت”.

وتیشی:” به‌دڵنیاییه‌وه‌ ئه‌ركی ئێمه‌ زۆر قورس ده‌بێت، چونكه‌ ده‌بێت ئێمه‌ تیپێك ئاماده‌ بكه‌ین بۆ قۆناغی یه‌كه‌م له‌گه‌ڵ یانه‌كانی ناو شاری سلێمانی دواتر له‌گه‌ڵ یانه‌كانی پارێزگاكانی كوردستان له‌ دوا قۆناغیشدا بۆ ڕووبه‌رووبوونه‌وه‌ی سه‌رجه‌م یانه‌كانی عێراق، بۆیه‌ ئه‌مه‌ش پێویستی به ‌به‌رنامه‌یه‌كی تۆكمه‌ و باش ده‌بێت بۆ ئه‌وه‌ی بتوانیت له‌م قۆناغه‌دا ركابه‌ری بكه‌ین، له‌به‌رئه‌وه‌ ئامانجی سه‌ره‌كی یانه‌ی سلێمانی له‌ به‌شداریكردنی به‌م پێكهاته‌یه‌ له‌خولی عێراق له‌گه‌ڵ به‌شێك له‌ یاریزانانی یانه‌كانی كوردستان ته‌نیا بۆ مانه‌وه‌یه‌، سه‌ره‌ڕای ئه‌وه‌ی گه‌شبینم به‌ ئاستی یاریزانه‌كانم، به‌ڵام به‌و پێیه‌ی ئاستی یانه‌كانی تری خوله‌كه‌ ده‌زانین نه‌ك ناتوانین بمێنینه‌وه‌ به‌ڵكو له‌وه‌ ده‌چێت دابه‌زین بۆ پله‌یه‌ك خوارتریش”.

له‌لای خۆیه‌وه‌ شه‌ماڵ ره‌حمان یاریزانی یانه‌ی سلێمانی رایگه‌یاند:” سه‌ره‌تا ئێمه‌ وه‌ك تیپی تازه‌پێگه‌یشتووانی یانه‌ی سلێمانی به‌شداری خولی تازه‌پێگه‌یشتووانی كوردستانمان كردوو پله‌ی دووه‌ممان به‌ده‌ستهێنا یانه‌كه‌مان متمانه‌یان پێپه‌خشین بۆ ئه‌وه‌ی بۆ ئاستی لاوان بانگهێشت بكرێین، سه‌ره‌ڕای به‌شداری نه‌كردنمان له‌ خولی نایابی لاوان، به‌ڵام یانه‌كه‌مان گڵۆپی سه‌وزییان بۆ داگیرساندین كه‌ به‌شداری خولی پله‌ یه‌كی عێراق بكه‌ین”.

ئاماژه‌ی به‌وه‌شدا:” به‌شداریكردنمان به‌م پێكهاته‌یه‌وه‌ له‌ خولی عێراق بۆ چه‌ند هۆكارێك ده‌گه‌ڕێته‌وه‌ یه‌كه‌میان وه‌ك چاو كرانه‌وه‌یه‌ك وایه‌ بۆ ئێمه‌ی یاریزانی لاو كه‌ له‌ خولی عێراق یاری بكه‌ین، هه‌روه‌ها ئه‌و متمانه‌یه‌یه‌ كه‌ یانه‌كه‌مان به‌ ئێمه‌یانداوه‌، بۆیه‌ ئێمه‌ش هه‌موو هه‌وڵێك ده‌ده‌ین كه‌ له‌ جێگه‌ی ئه‌و متمانه‌یه‌ بین كه‌ یانه‌كه‌مان پێمانیداوه‌، هه‌روه‌ها بتوانین له‌گه‌ڵ یانه‌كه‌مان ئه‌نجامی گه‌وره‌ به‌ ده‌ست بێنین”.

بەشی بکە لە
Previous Next
Close
Test Caption
Test Description goes like this