سەرباری جەنگ و ئاڵۆزی کەرتی کشتوکاڵیی سوریا بە بەهێزی ماوەتەوە

0
548

SNN

لەکاتێکدا سوریا پێیناوەتە نۆهەم ساڵی شەڕی ناوخۆیەوە و بەشێکی خاکەکەی لەلایەن گروپە چەکدارەکانەوە دەستی بەسەرداگیراوە، بەڵام کەرتی کشتوکاڵی لە سوریا هێشتا بە بەهێزی ماوەتەوە و دیمەشقیش دەڵێت ئەمساڵ بەرهەمێکی باشی زەیتون و سێو و فستقیان هەبووە.

لەسەر ئەو پرسە عەلا شەهیب، جێگری بەڕێوەبەرایەتی کشتوکاڵی شاری سوەیدا بە ئاژانسی فەرمی وڵاتەکەی راگەیاندووە “پێشبینی دەکرێت لە پارێزگاکە 70 هەزار دۆنم درەختی فستقمان هەبێت و بۆ ئەمساڵ 515 تۆن فستق بەرهەم دەهێنین”.

لەلایەکی دیکەوە مۆفەق نەجار، سەرۆکی بەشی هاوکاری نێودەوڵەتی لە پارێزگای حەما ئاشکرایکردووە “پێشبینی دەکرێت ئەمساڵ 22 هەزار و 338 تۆن سێو لەو پارێزگایە بەرهەمبهێندرێت و ڕەوانەی بازاڕەکان بکرێت”.

پارێزگای حەما یەکێکە لەو پارێزگایانەی کە لەماوەی 9 ساڵی ڕابردوودا شەڕی لێنەبڕاوە و تا ئێستاش ئۆپۆزسیۆن و حکومەتی سوریا لەو پارێزگایە پێکدادانیان هەیە.

لە پارێزگای حەما 27 هەزار و 285 دۆنم درەختی سێو هەیە و لەو ژمارەیەش زیاتر لە سێ هەزار دۆنمی ئاوییە و 24 هەزار دۆنمیش بەرهەم دەهێندرێت.

لەلایەکی دیکەوە بەسام النشار، سەرۆکی فەرمانگەی بەرهەمە گیاییەکان لە پارێزگای حەما بە ئاژانسی فەرمی وڵاتەکەی ڕاگەیاندووە “لەم پارێزگایە 12 ملیۆن و 800 هەزار درەختی زەیتون بوونی هەیە و لەو ژمارەیەش زیاتر لە 10 ملیۆنیان بەرهەمدارن و زەیتون دەگرن”.

بەشی بکە لە
Previous Next
Close
Test Caption
Test Description goes like this