وەزارەتی خوێندنی باڵا بڕیارێک لە بەرژەوەندی خوێندکاران دەدات

0
533
لۆگۆى وه‌زاره‌تى خوێندنى باڵا و تووێژینه‌وه‌ى زانستى

SNN

لە دەستپێشخەریەکى نوێدا و بەمەبەستى کارئاسانى زیاتر بۆ ئەو خوێندکار و قوتابیانەى لە نێوان زانکۆکان دەیانەوێت پرۆسەى گواستنەوە و دابەزاندن ئەنجامبدەن، بۆ سەلامەتى تەندروستى گیانی خوێندکاران، وەزارەتى خوێندنى باڵا تەواوى پرۆسەکە بە ئەلیکترۆنى دەکات.

پلاتفۆڕمى تایبەت بە گواستنەوە و دابەزینى خوێندکاران بۆ ساڵى خوێندنى (2020-2021) بەهەماهەنگى ناوەندى وەرگرتن لە وەزارەتى خوێندنى باڵا و توێژینەوەى زانستى لەگەڵ تۆمارى گشتى و بەشى IT زانکۆى پۆلیتەکنیکى سلێمانى ئامادەکراوە و لە ئێستادا سەرجەم ئەو خوێندکارو قوتابیانەى دەیانەوێت پرۆسەى (گواستنەوە) لە نێوان زانکۆکان و پرۆسەى (دابەزاندن) لە نێوان بەش و کۆلێژەکان ئەنجامبدەن، پێویست ناکات بەهۆى بارودۆخى بڵاوبونەوەى ڤایرۆسى کۆرۆنا سەردانى وەزارەت یان زانکۆکان بکەن، بەڵکو دەتوانن كلیك (لێـــــــرە) بکەن و پرۆسەکە بەسەرکەوتوویى ئەنجامبدەن.

لەو چوارچێوەیەشدا بەمەبەستى ئاسانکارى و بەرچاوڕونى زیاتر بۆ ئەو خوێندکار و قوتابیانەى دەیانەوێت پرۆسەى گواستنەوە و دابەزاندن لە ڕێگەى ئەلیکترۆنى ئەنجامبدەن، بۆ ئەوەی بەچۆنیەتى پێشکەشکردنى داواکارى بۆ ئەنجامدانى گواستنەوە و دابەزاندن ئاشنا بن كلیك (لێـــــــرە) بكەن دواتر دەست بکەن بە پرۆسەکە بۆ ئەوەى رووبەڕووى هەڵە نەبنەوە لەکاتى ئەنجامدانى پرۆسەکاندا.

بەشی بکە لە
Previous Next
Close
Test Caption
Test Description goes like this