وڵاتانی هەژار لە گەڕاندنەوەی قەرزەکانیاندا مۆڵەتی زیاتریان پێدەدرێت

0
139

SNN

وەزیرانی ئابووری وڵاتانی ئەندام لە گروپی جی 7 (حەوت وڵاتە سەرمایەدارەکەی جیهان) بەشێوەی ئۆنڵاین کۆبوونەوە و گفتوگۆیانکرد سەبارەت بە راگرتنی گەڕاندنەوەی قەرزی وڵاتانی هەژار.

ڤیدیۆ کۆنفرانسەکە کە لەلایەن ستیڤن منوچین وەزیری خەزێنەی ئەمریکاوە رێکخرابوو، وەزیرەکان باسیان لە نیگەرانیەکانیان کرد سەبارەت بە گرفتی ئەو قەرزانەی کە رووبەڕووی وڵاتانی هەژار بووەتەوە.

سەرۆکانی بانکی جیهانی و سندوقی دراوی نێودەوڵەتیش لە ڤیدیۆ کۆنفرانسەکەدا رایانگەیاند، پێویستە وڵاتانی جی 20-یش بە مەرجەکانی گەڕاندنەوەی قەرزدا بچنەوە و وادەی جێبەجێکردنی پڕۆژەیەک کە ناوی (دەستپێشخەری راگرتنی خزمەتگوزاری قەرز DSSI)ی لێنراوە درێژبکەنەوە، لەکاتێکدا بڵاوبوونەوەی کۆرۆنا کاریگەری لەسەر ئابووری وڵاتان دروستکردووە.

پێشتر وڵاتانی جی 20 لەسەر راگرتنی گەڕاندنەوەی قەرزی 73 وڵاتی هەژار رێککەوتن، کە قەرزەکانیان دەگاتە 12 ملیار دۆلار. ئەو راگرتنە بۆ ماوەیەکی دیاریکراوە و لە ئێستاشدا گفتوگۆ دەکرێت لەبارەی ئەوەی گەڕاندنەوەی قەرزەکان لە ساڵی داهاتووشدا بە راگیراوی بمێنێتەوە.

بەشی بکە لە
Previous Next
Close
Test Caption
Test Description goes like this