دیبالا مەرجێکی قورس بۆ یانەی یۆڤانتۆس دادەنێت

0
293
دیبالا

SNN Sport

پاولۆ دیبالای ئەرجەنتینی و ئەستێرەی یانەی یۆڤانتۆس، مەرجێکی قورسی بۆ یانەکەی داناوە تا گرێبەستەکەی نوێ بکاتەوە لە داهاتووداو داوای مووچەیەکی زۆر دەکات.

رۆژنامەی کۆرێری دیلۆ سپۆرت ئەمڕۆ سێشەممە بڵاویکردووەتەوە، دیبالا داوای مووچەیەکی 20 ملیۆن یۆرۆیی لە یانەکەی کردووە بۆ تەنیا یەک وەرز، ئەمەش رێگری لە یۆڤانتۆس دەکات نەتوانێت گرێبەستەکەی نوێ بکاتەوە.

دیبالا دووەم زۆرترین مووچە لە ئێستادا لە یانەی یۆڤانتۆس وەردەگرێت،بەڵام ئەم داواکارییەی لە ئێستادا بە نسبەت یانەکەیەوە قورسە،ئەمەش بەهۆی قەیرانی ڤایرۆسی کۆرۆنا کە کاریگەری لەسەر هەموو یانەکانی ئەوروپاو یانەکەی دروستکردووە.

هەروەها یانەی یۆڤانتۆس ئامادەیە لە گواستنەوەکانی ئەم هاوینە بە بڕی 80 بۆ 90 ملیۆن یۆرۆ بیفرۆشێت و چەند یانەیەکیش ئامادەن گرێبەستی لەگەڵ بکەن، ئەگەر بۆ نوێکردنەوەی گرێبەستەکەی نەگەیشتنە رێککەوتن.

دیبالا لەم وەرزە بە ئاستێکی بەرزەوە دەرکەوت،ئەمەش وای لەو یاریزانە کردووە داواکارییەکانی بەرامبەر بە یانەکەی زیاتر بکات و لەسەرووی هەموو شتێکەوە زیادکردنی مووچە.

بەشی بکە لە
Previous Next
Close
Test Caption
Test Description goes like this