وێنه: ساڵانه زیاتر له 1200 خوێندكار فۆرمی په‌یمانگای وه‌رزشی سلێمانی پڕ ده‌كه‌نه‌وه
په‌یمانگاى وه‌رزشی سلێمانى
ئه‌رده‌ڵان محه‌مه‌د – SNNsport
په‌یمانگای وه‌رزشی سلێمانی ساڵانه خواستێكی زۆری له‌سه‌ره له‌لایه‌ن خوێندكارانی پۆلی نۆی بنه‌ڕه‌تی بۆ خوێندن و ساڵانه‌ش زیاتر له 1200 فۆرم له‌لایه‌ن خوێندكارانه‌وه پێشكه‌ش ده‌كرێت، به‌ڵام ته‌نیا 120 خوێندكاری كوڕ و كچ وه‌رده‌گیرێن به‌پێی رێنماییه‌كان.
به‌رپرسانی په‌یمانگاكه‌ش رایده‌گه‌یه‌نن كه ئامانجیان خزمه‌تكردنی خوێندكارانه بۆ ئه‌وه‌ی بتوانن بۆ داهاتوو سوود به‌خۆیان و كۆمه‌ڵگه بگه‌یه‌نن”.
له‌م به‌سه‌ر كردنه‌وه‌یه‌ی تۆڕى هه‌واڵی سلێمانى (SNNsport) ئاریان نوری به‌ڕێوەبه‌ری په‌یمانگاكه وه‌ڵامی پرساره‌كان ده‌داته‌وه.
تۆڕى هه‌واڵی سلێمانى (SNNsport) میكانیزمى وه‌رگرتنى خوێندكار له په‌یمانگاكه‌تان له‌سه‌ر چ پێوه‌رێكه؟
ئاریان نورى به‌ڕێوەبه‌رى په‌یمانگاى وه‌رزشی سلێمانى:” دواى خوێندن بۆ ماوه‌ى پێنج ساڵ و وه‌رگرتنى بڕوانامه‌ى دبلۆم میكانیزمى وه‌رگرتنى خوێندكاریش ده‌رچووانى قۆناغى نۆى بنه‌ڕه‌تی ده‌گرێته‌وه، به‌ڵام هه‌ر ساڵه و به پێى رێنماییه‌كانى وه‌زاره‌تى په‌روه‌رده گۆڕانكارى به‌سه‌ردا دێت، به‌پێى چه‌ندین مه‌رج كه گرنگترینیان نابێت كه‌مئه‌ندام بێت یاخود نه‌خۆشی درێژ خایه‌نى هه‌بێت”.
تۆڕى هه‌واڵی سلێمانى (SNNsport) ساڵانه چه‌ند فۆرم دابه‌ش ده‌كرێت و چه‌ند خوێندكار وه‌رده‌گیرێت؟
ئاریان نورى به‌ڕێوەبه‌رى په‌یمانگاى وه‌رزشی سلێمانى:” ئه‌م په‌یمانگایه خواستێكى زۆرى له‌سه‌رە و ساڵانه به پێى ئه‌و ئامارانه‌ى وه‌ریده‌گرین نزیكه‌ى 1200 خوێندكار فۆرم وه‌رده‌گرێت، به‌ڵام رێژه‌ى وه‌رگرتن له په‌یمانگا 120خوێندكاره كه كه نیوه‌ى كوڕ و نیوه‌ى كچ ده‌بن”.
تۆڕى هه‌واڵی سلێمانى (SNNsport) ئه‌و لیژنانه كێن كه تاقیكردنه‌وه‌ى خوێندكاران ئه‌نجام ده‌ده‌ن؟
ئاریان نورى به‌ڕێوەبه‌رى په‌یمانگاى وه‌رزشی سلێمانى:” ساڵانه لیژنه‌كان گۆڕانكارییان به‌سه‌ردا دێت كه تاقیكردنه‌وه درفف
تۆڕى هه‌واڵی سلێمانى (SNNsport) رێژه‌ى ده‌رچوون له په‌یمانگاكه‌تان له چ ئاستێكدایه؟
ئاریان نورى به‌ڕێوەبه‌رى په‌یمانگاى وه‌رزشی سلێمانى:” ساڵانه رێژه‌ى ده‌رچوون له په‌یمانگاكه‌مان له جێى ره‌زامه‌ندى مامۆستایان و ئیداره‌ى په‌یمانگاكه‌یه و خۆشبه‌ختانه خوێندكاره‌كانیشمان ئاستێكى باشیان هه‌یه، بۆیه ده‌توانم بڵێم هه‌م خوێندكاره‌كان و ئه‌و ستاف و كادره به‌ڕێزانه‌ى له‌م په‌یمانگا خزمه‌ت ده‌كه‌ن له جێگه‌ى ره‌زامه‌ندى هه‌موو لایه‌كدایه”.
تۆڕى هه‌واڵی سلێمانى (SNNsport) جۆرى بڕوانامه‌ى په‌یمانگاكه‌تان چیه؟
ئاریان نورى به‌ڕێوەبه‌رى په‌یمانگاى وه‌رزشی سلێمانى:” دواى پێنج ساڵى خوێندن له په‌یمانگا ئه‌م خوێندكارانه ده‌بنه خاوه‌نى بڕوانامه‌ى دبلۆم و ده‌توانن له دوو بواردا خزمه‌تى خۆیان بگه‌یه‌نن له كه‌رتى تایبه‌تى و كه‌رتى گشتى”.
تۆڕى هه‌واڵی سلێمانى (SNNsport) وه‌رگرتنى خوێندكار ته‌نیا بۆ دانیشتووانى كوردستانه یاخود خه‌ڵكى بیانیش ده‌توانێت بخوێنێت؟
ئاریان نورى به‌ڕێوەبه‌رى په‌یمانگاى وه‌رزشی سلێمانى:” ئێمه به پێى شوێنى جوگرافیا مامه‌ڵه له‌گه‌ڵ خوێندكاران ده‌كه‌ین و خوێندكاران وه‌رده‌گرین، هه‌روه‌ها بۆ خوێندكارانى دانیشتووى ده‌ره‌وه‌ى هه‌رێمیش به‌هه‌مان شێوه، ئه‌گه‌ر خاوه‌نى ره‌گه‌زنامه‌ى شارى سلێمانی بن ده‌توانن له په‌یمانگاكه‌مان وه‌ربگیرێن و وه‌ك خوێدنكارانى كوردیش ده‌بنه خاوه‌نى بڕوانامه‌ى دبلۆم”.
په‌یمانگاى وه‌رزشی سلێمانى له‌ساڵى 2006 دامه‌زراوه و ساڵانه نزیكه‌ى 1200فۆرم دابه‌ش ده‌كرێت به‌سه‌ر خوێندكاراندا له‌و رێژه‌یه‌ش نزیكه‌ى 120خوێندكار وه‌رده‌گیرێن كه دواى پێنج ساڵ خوێندن خوێندكار ده‌بێته خاوه‌نى بڕوانامه‌ى دبلۆم.
پەرەپێدراوە و دروستکراوە