بافڵ تاڵەبانی سوپاسی هێزەکانی پێشمەرگە دەکات و دەڵێت “گرنگی زیاتر بە مەشقی سەربازی لەسەر بنەمای زانستی بدەن”

0
1229

SNN

ئەمڕۆ سێشەممە 18ی ئاب، بافڵ تاڵەبانی هاوسەرۆکی یەکێتیی نیشتمانیی کوردستان لە میانی سەردانێکی بۆ هێزەکانی حەفتا رایگەیاند: سوپاسی هێزەکانی پێشمەرگە دەکەین کە سەرباری قەیرانی دارایی لە سەنگەرەکاندان و هەموو لایەک دەپارێزن، هەروەها بە فەرماندەی هێزەکانی حەفتاشی راگەیاند: گرنگی بە مەشقە سەربازییەکان بدەن و لەسەر بنەمای زانستی ھێزەکان رێکبخەنەوە.

بافڵ تاڵەبانی ھاوسەرۆکی یەکێتیی نیشتمانیی کوردستان، بەیاوەری شاڵاو کۆسرەت رەسوڵ ئەندامی سەرکردایەتی، سەردانی فەرماندەیی گشتی ھێزەکانی حەفتای کرد و لەلایەن مستەفا چاوڕەش فەرماندەی ھێزەکانی حەفتا و مەحمود سەنگاوی سەرپەرشتیاری ھێزەکانی حەفتا و جەلال شێخ ناجی لێپرسراوی دەزگای ھەواڵگری پێشمەرگە و عەبدوڵا کانی بەردی لێپرسراوی مەڵبەندی رێکخستنی پێشمەرگە و ژمارەیەک لە فەرماندەو پلەداران پێشوازیکرا.

لە کۆبوونەوەیەکدا بە وردی باس لە هەنگاوەکانی رێکخستنەوەو و مەشقپێکردنی هێزی پێشمەرگەو پێداويستییە سەربازییەکان کران و تەئکيدکرايەوە لەسەر رۆڵی نيشتيمانی هێزی پێشمەرگە لە رووبەڕووبوونەوەی تيرۆرو پاراستنی سەروەری خاکی هەرێم.

بافڵ تاڵەبانی ھاوسەرۆکی یەکێتی، سوپاس و ستایشی ھێزەکانی پێشمەرگەی کرد کەسەرباری قەیرانی دارایی لەسەنگەرەکاندان و ھەرێم و ھەموولایەک دەپارێزن و رایگەیاند ئەرکمانە لەھەموو رووەکانەوە ھێزەکانمان یەکخەینەوە و زیاتر گرنگی بە مەشقی سەربازی بدەن، پێویستیشە لەسەر بنەمای زانستی ھێزەکان رێکبخەنەوەو پەيکەری يەکە سەربازييەکان و مەشقپێکردنی هێزەکانمان، لەسەر بنەمای دسپلین و زانستنی نوێی سەربازی بێت، بۆ بەديهێنانی ئەو ئامانجەش بەرچاوڕوونی و روونکردنەوەی پێویستی دایە ئامادەبووان.

ھەر لەکۆبوونەوەکەدا بەوردی پێشھات و گۆڕانکارییە سەربازی و ئەمنییەکان بیرووبۆچوونیان لەبارەوەخرایەڕوو بڕیاری پێویست و نیشتمانیان لەبارەوە درا .

ھەر لەمیانی سەردانەکەدا ھاوسەرۆکی یەکێتی کە ژمارەیەک لەئەندامانی سەرکردایەتی یاوەرییان دەکرد فەرماندەیی ھێزەکانی پشتیووانی دوو بەسەرکردەوە لەلایەن لیوا روکن مەریوان محەمەد ئەمین فەرماندەی ھێزەکانی پشتیوانی دوو و فەرماندەی یەکەو فەوجەکانی ھێزی پشتیوانی دوو پێشوازیکرا و لەکۆبوونەوەیەکدا بافڵ تاڵەبانی ستایشی ھێزەکانی پشتیوانیکرد کە رۆڵی گرنگ دەگێڕن لەپارستنی ھەرێم داواشیکرد وەک ھەمیشە بەردەوام بن لەمەشقکردن و خۆنوێکردنەوە و گەشەپێدانی ھێزەکانیان و راشیسپاردن وەک ھەمیشە پێویستە ھێزەکانی پشتیوانی سەرمەشق بن بۆ پارستنی کوردستان و ھەرێمەکەمان.

بەشی بکە لە
Previous Next
Close
Test Caption
Test Description goes like this