حه‌سه‌ن كه‌عبى: پێویسته‌ هه‌رێم داهاتى نه‌وت راده‌ستى به‌غدا بكات

0
126
حه‌سه‌ن كه‌عبى، جێگرى یه‌كه‌مى سه‌رۆكى په‌رله‌مانى عێراق

SNN

جێگرى یه‌كه‌مى سه‌رۆكى په‌رله‌مانى عێراق رایده‌گه‌یه‌نێت: پێویسته‌ حكومه‌تى هه‌رێم داهاتى نه‌وتیش راده‌ستبكات، ده‌شڵێت: “فایلى نه‌وتى هه‌رێم زۆرترین قورسايی خستووه‌ته‌ سه‌ر شانى حكومه‌ت و هاووڵاتییانى عێراق”.

حه‌سه‌ن كه‌عبى، جێگرى یه‌كه‌مى سه‌رۆكى په‌رله‌مانى عێراق له‌ به‌یاننامه‌یه‌كدا رایگه‌یاند: “پێویسته‌ حكومه‌تى هه‌رێم داهاتى نه‌وتى فرۆشراو راده‌ستى به‌غدا بكات، پێویستیشه‌ ئه‌نجوومه‌نى وه‌زیرانى عێراق به‌ به‌رپرسیارییه‌تى یاسایی و ئه‌خلاقى خۆى هه‌ڵبستێت له‌و بابه‌ته‌دا، به‌ ئامانجى ئه‌وه‌ى داهاتى نه‌وت به‌ یه‌كسانى بۆ هه‌موو هاووڵاتییان به‌كاربهێنرێت”.

وتیشى: “پێویسته‌ حكومه‌تى هه‌رێم داهاتى نه‌وت راده‌ستى به‌غدا بكات، چونكه‌ ئه‌م كه‌یسه‌ كێشه‌یه‌كى قورس و گه‌وره‌ى دروستكردووه‌ و بووه‌ته‌ بارى سه‌رشان بۆ حكومه‌تى به‌غدا و هاووڵاتییانیش”.

جێگرى یه‌كه‌مى سه‌رۆكى په‌رله‌مانى عێراق ئه‌وه‌شى خسته‌ڕوو: “ئه‌وه‌ى جێگه‌ى سه‌رنجه‌ چۆن حكومه‌ته‌كه‌ى كازمى رازیبووه‌ رێكبكه‌وێت له‌گه‌ڵ هه‌رێم به‌بێ ئه‌وه‌ى داهاتى نه‌وت راده‌ست بكات”.

قسه‌كانى جێگرى یه‌كه‌مى سه‌رۆكى په‌رله‌مانى عێراق له‌كاتێكدایه‌ كه‌ له‌ به‌روارى 15ى ئاب، حكومه‌تى ناوه‌ندیى و حكومه‌تى هه‌رێم رێككه‌وتن له‌سه‌ر به‌شێك له كێشه‌ كه‌ڵه‌كه‌بووه‌كانى نێوانیان، پاش ئه‌وه‌ى وه‌فدى هه‌رێم به‌ سه‌رۆكایه‌تى قوباد تاڵه‌بانى، جێگرى سه‌رۆكى حكومه‌ت زنجیره‌یه‌ك سه‌ردانى بۆ به‌غدا ئه‌نجامدا.

 

بەشی بکە لە
Previous Next
Close
Test Caption
Test Description goes like this