بەهۆی تەقینەوەی تانکیەکی نەوت 2 کەس سوتان

0
1071

SNN- محەمەد مستەفا

دواینیوەڕۆی ئەمڕۆ چوارشەممە 19ی ئاب، لە قەڵادزێ بەهۆی تەقینەوەی تانکیەکی نەوت 2 کەس سوتان، کە باری تەندروستی یەکێک لە سوتاوەکان نا جێگیرە.

عوسمان ئەحمەد بەڕێوەبەری کارگێری نەخۆشخانەی شەهیدانی قەڵادزێ بە SNN ی راگەیاند: دوانیوەڕۆی ئەمڕۆ چوارشەممە لە گەڕەکی ڕاپەڕینی قەڵادزێ بەهۆی گەرماوە تانکیەکی نەوت لە سەربانی ماڵێکدا تەقیوەتەوە بەو هۆیەشەوە 2 کەس سوتاون کە پیشەیان کرێکارە.

وتیشی ” لە کاتی تەقینەوەی ئەو تانکیە نەوتە ئەو دوو کرێکارە لەسەربانی ئەو ماڵەدا سەرقاڵی کاری (ئایزۆگام) کردن بوون و بەهۆی گڕی ئاگری تەقینەوەی تانکیەکە سوتاون”

باسی لەوەشکرد: “یەکێک لە سوتاوەکان باری تەندروستی ناجێگیرە و رەوانەی نەخۆشخانەکانی سلێمانی کراوە”.

بەشی بکە لە
Previous Next
Close
Test Caption
Test Description goes like this