ئەمریکا سزا بەسەر دوو کۆمپانیای ئیماراتیدا دەسەپێنێت

0
145

SNN

ئەمريكا، بە بيانووى دابينكردنى پاڵپشتى بۆ هێڵى ئاسمانى ماهانى ئێرانى، بڕيارى سزادانى دوو كۆمپانياى ئيماراتى دەركرد.

وەزارەتى گەنجينەى ئەمريكا لە بەياننامەيەكدا رايگەياند، هەردوو كۆمپانياى (Parthia Cargo) و(Delta Parts Supply) كە ناوەندەكەيان لە ئيماراتە، بەهۆى ئەوەى “پارچەى سەرەكى و لۆجيستى” بۆ هێڵى ئاسمانى ماهانى ئێرانى دابيندەكەن، خراوەنەتەوە ليستى سزاكانيانەوە.

جگە لەوە، خاوەنى كۆمپانياى (Parthia Cargo) ئەمين مەهداوى كە بەڕەچەڵەك ئێرانييە خستووەتە ليستى سزاكانەوە.

لە چوارچێوەى سزاكاندا، سەرجەم سەروەت و ماڵى ئەم كەسايەتى كۆمپانيايانە لە ئەمريكا سڕدەكرێت، كاركردنى هاووڵاتيیان ئەمريكا يان كۆمپانيا ئەمريكييەكان لەگەڵ ئەو كۆمپانيايانە قەدەغە دەكرێت.

لە بەياننامەكەدا بۆچوونى وەزيرى گەنجينەى ئەمريكا، ستيڤن منوشين-ى تێدايە و دەڵێت، “رژێمى ئێران، هێڵى ئاسمانى ماهان جگە لەگەڵ رژێمەكانى سوريا و ڤەنزوێلا، بۆ بڵاوكردنەوەى تێكدانى سەقامگيرى لە هەموو جيهان بەكاردەهێنێت، جگە لەوەش لەرێگەى ئەم كۆمپانيايەوە پاڵپشتى رێكخراوە تيرۆريستييەكانى رۆژهەڵاتى ناوەڕاست دەكات”.

بەشی بکە لە
Previous Next
Close
Test Caption
Test Description goes like this