ژنێك بە تەنیا كولێرە بەتەنورێك دەكاتەوە و دەڵێت “جیاوازی نابینم لە نێوان ژن و پیاودا”

0
439

SNN

جیاواز لەو نان و كولێرانەی كە لە بازاڕو نانەواخانەكان دروستدەكرێت، ژنێكی تەمەن 58 ساڵ لە قەزای سەیدسادق ڕۆژانە لە بەرەبەیانی زوودا و بە گەرمكردنی تەنورەكە و بە دروستكردنی كولێرەیەكی جیاواز، توانیویەتی كڕیارێكی زۆر لەدەوری خۆی كۆبكاتەوە و لە ڕێگەی فرۆشتنی چەند كولێرەیەكەوە بژێوی خۆی و خێزانەكەی دابینبكات.

نەرمین حسێن، ئەو ژنە تەمەن 58 ساڵەی بۆ دابینكردنی بژێوی خۆی و خێزانەكەی دەستیكردووە بە دروستكردن و فرۆشتنی كولێرە بە پەنجە بە SNNی ڕاگەیاند: بەهۆی ئەوەی هاوسەرەكەم كرێكارە و لە ئێستاشد كرێكاران بێكارن، بۆیە ناچاربووم بیر لە دانانی دووكانێكی كولێرە بەتەنور بكەمەوە، بۆ ئەوەی بژێوی رۆژانەی خۆمان و چوار منداڵەكەم دابینبكەم، بۆ ئەو مەبەستەش كاتژمێر 2ی بەرەبەیانی دەست بە ئامادەكردنی هەویری كولێرەكانم دەكەم.

ئاماژەی بەوەشكرد، “ئەو كولێرەیەی من دروستیدەكەم جیاوازن لەو كولێرانەی كە لەبازاڕدا هەن، بەجۆرێك ، ئارد، شیر، شەكر خومرە تیكەڵ دەكەم و دەیكەمە هەویر، دواتر لەبەر فێنكەرەوە هەویرەكە دادەنێم بەیانی زوو لەگەڵ هەڵهاتنی خۆر، كاتژمێرشەش دەست بە بڕینی گونك دەكەم، كاتژمێر حەوت كولێرەی ئامادەیە بۆ فرۆشتن و كڕیارەكانیشم خواستێكی زۆریان لەسەر كولێرەكەم هەیە”.

ئەو ژنە خاوەنكارەی سەیدسادق ئەوەشی خستەڕوو، “ئەو كارەی من دەیكەم لە هەموو دوكانەكانی دیكە بە دوو تا سێ‌ كەس دەكرێت، بەڵام من تەنیا هەویر دەشێلێم و گونك دەبڕم وكولێرە دەیبرژێنێم و پارە لە كڕیارەكان وەردەگرم”.

“ڕۆژانە 150 بۆ 180 كولێرە دروستدەكەم، زۆر ئاسودەم لەگەڵ كارەكەم، لەكاردا هیچ جیاوازییەك نابینم لەنێوان ژن و پیاودا، لەبەر بژێوی ژیان و ماڵ و منداڵم دەستم داوەتە ئەم كارە”.

محەمەد عەلی، یەکێک لەو هاووڵاتییانەی قەزای سەیدسادقە كە ڕۆژانە بۆ كڕینی كولێرە سەردانی دوكانەكەی نەرمین دەكات بۆ SNNباسی لەوەكرد :بەهۆی پاكوخاوێنی‌ و جیاوازیی تام وچێژی كولێرەكەی، هەروەها ئەوەی ئەم ژنە ئەنجامی دەدات كارێكی جیاوا زۆر قورسە و هەموو ژنێك ناتوانێت بەتەنها ئەم كارە بكات، بۆیە ئەمە وایكردووە كە ڕۆژانە خەڵكێكی زۆر لە تەمەنە جیاوازەكان ڕوو لە تەنورەكەی نەرمین بكەن و كولێرەی گەرم ببەنەوە بۆ ماڵ و منداڵەكانیان بۆیە ئێمە كڕیاری تایبەتی ئەوین و یەكەم ژنیشە لەم سنورەدا دوكانێكی لەم شێوەیە بكاتەوە و بەتەنیا بەڕێوەی ببات.

Post 2919
Post 2919

Post 2920
Post 2920

Post 2921
Post 2921

Post 2922
Post 2922

Post 2924
Post 2924

Post 2923
Post 2923

Post 2925
Post 2925

Post 2926
Post 2926

بەشی بکە لە
Previous Next
Close
Test Caption
Test Description goes like this