“بازرگانی نێوان عێراق و تورکیا بۆ ئاستی پێش کۆرۆنا بوژاوەتەوە”

0
142

SNN

کونسوڵی گشتی تورکیا لە هەولێر ڕایگەیاند، بازرگانی نێوان عێراق و تورکیا بۆ ئاستی پێش کۆرۆنا بوژاوەتەوە و ئێستا رۆژانە 1400 بۆ 500 ئۆتۆمبێلی بارهەڵگر دێنە خاکی عێراقەوە.

هاکان کاراچای، کونسوڵی تورکیا لە هەولێر بە ئاژانسی ئەنادۆڵوی وڵاتەکەی راگەیاندووە: “سه‌ره‌ڕای په‌تای كۆرۆنا و ژماره‌یه‌كی زۆر به‌ربه‌ست، له‌ حه‌وت مانگی یه‌كه‌می ئه‌مساڵدا بازرگانیی توركیا له‌گه‌ڵ عێراق گه‌یشتووه‌ته‌ چوار ملیار و 800 ملیۆن دۆلار”.

وتوشیەتی: “توركیا له‌ ده‌روازه‌ سنوورییه‌كانی خاپوور و ئیبراهیم خه‌لیل چه‌ند مانگێك له‌مه‌وبه‌ر هه‌نگاوی پێویستی ناوە بۆ ئاساییكردنه‌وه‌ی ره‌وشه‌كه‌ و چاوه‌ڕێی ئه‌وه‌ بووین له‌لایه‌ن حكومه‌تی هه‌رێم ره‌وشه‌كه‌ ئاسایی بكرێته‌وه‌. بەوەش ‌لانیكه‌م گواستنه‌وه‌ی كاڵا و پێداویستییه‌ بازرگانییه‌كان ئاسایی ده‌بێته‌وه‌”.

کونسوڵی گشتی تورکیا لە هەولێر ئەوەشی راگەیاندووە: “لە شه‌وی رابردووه‌وه‌ دوای پشكنین، رێگه‌ به‌ شۆفێرانی بارهه‌ڵگری توركیا ده‌درێت بێنه‌ ناو خاكی عێراق و كاڵا و پێداویستییه‌كانیان دابنێن”.

کاراچای دەڵێت “حکومەتی هەرێم مەرجی ئەنجامدانی پشکنینی داناوە بۆ جێبەجێکردنی بڕیارەکە، کاتێک بیرمان لە قەبارەی هاتووچۆی بارهەڵگرەکان کردەوە لە دەروازەی سنووری خابوور-ئیبراهیم خەلیل، بۆمان دەرکەوت کە پێویستمان بە ناوەندێکی پشکنینی کۆرۆنایە کە پشکنینەکان بەشێوەیەکی خێرا بکرێن، چاودێری دروستکردنی ناوەندێکی لەم شێوەیە لەلایەن حکومەتی هەرێمی کوردستانمان کرد، ئێمەش سەردانی ناوەندەکەمان کرد و لە نزیکەوە ئاگاداری شێوازی کارکردنی ناوەندەکە بووین”.

ئەوە لە کاتێکدایە هاتنی شوفێرانی تورکیا بۆ نێو خاکی هەرێمی کوردستان، ناڕەزایی شوفێرانی هەرێمی کوردستانی لێکەوتەوە و شەوی 19ی ئاب لە دەروازەی ئیبراهیم خەلیل گردبوونەوە و هێزە ئەمنییەکان بە تەقە وەڵامی خۆپیشاندەرانیان دایەوە و 24 کەسیان کردە قوربانی.

بەشی بکە لە
Previous Next
Close
Test Caption
Test Description goes like this