عێراق هۆشداری دەدات لە گرتنەوەی ئاو لەلایەن ئێرانەوە

0
239

SNN

وەزارەتی سەرچاوە ئاوییەکانی عێراق ئەمڕۆ شەممە رایگەیاند: “رێژەی ئاو لە رووباری سیروان و زێی بچووک زۆر کەمیکردووە” داوا لە وەزارەتی دەرەوە دەکات بە کاری پێویست هەستێت.

عەونی زیاب وتەبێژی وزارەتی سەرچاوە ئاوییەکانی عێراق دەڵێت: “کەمبوونەوەی ئەو ئاوانە زیانی گەورە بە پارێزگای دیالە و رووباری دیجلە دەگەیەنێت”.

وتیشی: “ئاوی رووباری سیروان لە چرکەیەکدا 47 مەتر سێجا ئاوی دەدا، بەڵام ئێستا ئەو رێژەیە بۆ 7 مەتر کەمبۆتەوە و ئاوی زێی بچووکیش بۆ 2 مەتر کەمبۆتەوە کە ئەوەش مانای نزیکبوونەوەیە لە سفر”.

داواشی لە وەزارەتی دەرەوەی عێراق کرد کە هەڵوێست وەربگرێت و پەیوەندی بە لایەنی ئێرانییەوە بکات بۆ چارەسەری ئەو دۆخە نەخوازراوە”.

له‌ نێوان عێراق و ئێران نزیكه‌ى 42 رووبار و جۆگه‌ و چه‌مى ئاوى وه‌رزى هه‌یه‌ و كێشه‌ ئاوییه‌كانى نێوان عێراق و ئێران میژوویه‌كى كۆنى هه‌یه‌ و نزیكه‌ى 400 ساڵه‌ ئه‌و كێشه‌یه‌ هه‌یه‌، دواین رێكکه‌وتنى نێوان هه‌ردوو وڵات رێكکه‌وتنى جه‌زائیرى ساڵى 1975 بووه‌، ئێران ئه‌و رێكه‌وتنه‌ به‌ بنه‌ماى هه‌موو گفتوگۆكانیان ده‌زانن و هه‌مووانیش ده‌زانن لە ساڵى 1980وە وڵاتى عێراق رێكه‌وتنه‌كه‌ى هه‌ڵوه‌شانده‌وه‌ و شه‌ڕى هه‌شت ساڵه‌ی نێوان ئه‌و دوو وڵاته‌ ڕوویدا كه‌ به‌شێكى به‌هۆى ئاوه‌وه‌ بوو.

بەشی بکە لە
Previous Next
Close
Test Caption
Test Description goes like this